Meglenorrumanos

De Biquipedia
Translate icon.svg Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.
Meglenovlacos, meglenorrumanos
Vlashi, Vlaș, Migliniț
Ilarion Meglenski.jpgSveta zlata.jpg
Ilarion Meglenski · Zlata Moglenska
Población total
12.000-20.000
Rechions con comunidatz importants
Flag of Greece.svg Prefecturas de Pella y Kilkis (Macedonya griega, Grecia) 12.000-20.000
Flag of Romania.svg Cerna (Judeţ de Tulcea, Rumanía) 1.200
Idiomas
Meglenorrumano
Relichión
Ilesia Ortodoxa, Islamica (en Turquía)
Pueblos relacionaus
Pueblos vlacos
Mapa
Map-balkans-vlachs.png
Mapa d'os Balcans con as poblacions vlacas y rumanas; os meglenovlacos bi apareixen en amariello.

Os meglenovlacos u meglenorrumanos (en meglenorrumano: Vlashi; en griego Βλαχομογλενίτες, Vlachomoglenítes) son un grupo etnico que habita en a rechión de Meglen, en a Macedonya griega en localidatz arredol d'a ciudat de Nânta, como Cupa, Liumnita, Birislav, Lundzini, Griva y Tarnacea, a l'ueste d'o curso meyo d'o río Vardar. En 1914 yeran 130.000 individuos. Charran una luenga romanz d'a branca balcanica dita meglenorrumano diferent de l'arrumano d'atros vlacos d'o sud d'o Danubio. Tamién se diferencian d'os vlacos d'o sud d'o Danubio en que no practican o pastoreyo transhumant estando tradicionalment sedentarios.

Historia[editar | modificar o codigo]

Bell autor creye que han plegau a Macedonya més tarde que atros pueblos vlacos de Macedonya, talment dende a ribera bulgara de Danubio. Bi ha una teoría que diz que os meglenovlacos son descendients d'os pazinacos que fuoron establius en Meglena u Moglena dimpués d'una derrota debant d'os bizantins en tiempos d'Aleixo I Comneno, d'estar cierta esta hipotesi os pazinacos d'as estepas d'a zona danubiana serían en proceso de rumanización y de perda d'a luenga turquica u irían con ells muitos vlacos. A estos pazinacos los mencionan en o "Libro de los Emperadors":

Et encara en aquel tempo los pacinaquos corrian las partes de traqui et de Maçedonia et catiuaron muytas gentes (con)t(r)a los quales fue lenperador et [fue] desconfito malament, et aquella esconfita la auida por occasion de los de su huest los quales se auançaua(n) de fer muytas cosas, mas non de an feyto poco ni mas . encara lenperador torno en la batalla cont(r)a los pacinaquos et huuo uictoria la qual manifestament fue por uoluntat de dios ayudada, por q(ue) como se miso en bata(ta)lla los pacinaquos no gosauan conbatir nin leuar armas contra los griegos sino que lexaron las armas et se rendieron sin batalla, et no res menos muytos muertos et los mas presos uiuos de los quales lenperador a feyto litar los mas iouenes he mas ualientes et los a feyto h(ab)itar en un luguar que se clama M[o]glina et todos los otros fuero(n) ue(n)didos de aquestos q(ue) fueron presos.

En as guerras balcanicas beluns se refuchioron en Dobrucha (Rumanía). Por estar en part musulmans, qualques meglenovlacos han emigrau a Turquía esdevenindo part d'os muhachirs (Karadjaovalides), poblacions musulmanas no turcas refuchiadas que s'han turquizau por estar ixemenadas.