Lo Mas del Llaurador

De Biquipedia
(Reendrezato dende Mas de Llaurador)
Ir a la navegación Ir a la búsqueda
Lo Mas del Llaurador
Localidat d'Aragón
Lo Mas del Llaurador (Valljunquera).jpg
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Teruel (provincia).svg Teruel
Matarranya
Val Chunquera
Población
 • Total

0 hab.

Lo Mas del Llaurador ye un lugar albandonato en o termin municipal de Val Chunquera que actualment ye en ruinas. Ye situato entre as poblacions de Val del Tormo y Val Chunquera, sobre un plan entre dos vals que s'unen dimpués de pasar o nuclio de población.

Destaca a ilesia de Sant Chuan Degollato (en catalán Sant Joan Degollat), construcción neoclasica d'o sieglo XVIII, en a parti posterior bi ha a sacristía y o fosal, en a frontera prencipal puet observar-se a la dreita o campanar de sección cuadrata y a la cucha un reloch de sol pintato en a paret. En os zaguers anyos s'ha tornato a fer a tradicional romería ta iste templo a fins d'o mes de agosto, en a que fan parti vecins d'as poblacions d'a redolada.

A primera decumentación de "Lo Mas" ye en l'anyo 1646, por ixas envueltas teneba una población de 90 vecins, estando ya 121 en l'anyo 178. Dende l'anyo 1834 dica o 1845, Lo Mas del Llaurador apareixe como un municipio independient con o suyo propio concello, pero ye dende 1845 quan pierde a suya independencia y se convierte ta cutio en vico d'o municipio de Val Chunquera. En 1915 mosén José Pellicer convirtió a casa parroquial d'a localidat en una escuela relichiosa que gosó tener 30 alumnos internos.

A decadencia d'a villa la leva a Guerra Civil, quan a población estió bombardeyata y destruyita, albandonando a la fin o lugar os zaguers vecins en a decada de 1960.

Vinclos externos[editar | editar código]


Lugars de lo municipio de Val Chunquera
Val Chunquera | Lo Mas del Llaurador