Maria-Theresien-Platz

De Biquipedia
Ir a la navegación Ir a la búsqueda
Wien Wappen.svg
Zaragoza street enseigne top.svg
Zaragoza enseigne tl.svg
Zaragoza enseigne tr.svg
Maria-Theresien-Platz
Naturhistorisches Museum Wien, Maria-Theresien-Platz 2012.jpg
Ciudat Viena
Districto Wien Wappen Innere Stadt.png Innere Stadt
Carreras Ringstraße
Wien Karte BW.png
Red Point.gif

Zaragoza enseigne bl.svg
Zaragoza enseigne br.svg

A Maria-Theresien-Platz (en aragonés Plaza de María-Tresa) ye una gran plaza d'a ciudat de Viena en Austria que une a Ringstraße con o Museumsquartier, un complexo cultural de museus d'arte muderno que se troban en o puesto a on bi yeran d'antis mas os antigos establos imperials.

En ista plaza bi ha dos grans edificios chemelos, uno debant de l'atro, o Naturhistorisches Museum (Museu d'Historia Natural) y o Kunsthistorisches Museum (Museu d'Historia de l'Arte). Istos dos edificios son identicos, fueras d'as estatuas d'as suyas fronteras, que son diferents. En a frontera d'o Naturhistorisches Museum' se troban estatuas d'a personificación d'os continents conoixitos en a epoca d'a suya construcción: Africa, Asia, Europa y America, mientres que a frontera d'o Kunsthistorisches Museum tien estatuas d'artistas europeus famosos como Bruegel entre atros.

En mel meyo d'a plaza se troba o molimento a María-Tresa, o mas gran molimento d'os Habsburgo en Viena.

Os museus[editar | editar código]

Molimento a la emperatriz María-Tresa

Os Museus d'Historia Natural y d'Historia de l'Arte y a plaza que los une se construyoron en 1891, y en o centro d'ista plaza se metió una gran estatua en honor a la emperatriz María-Tresa d'Austria-Hongría, que da nombre a la plaza. O Museu d'Arte Muderno, que se troba en o mesmo puesto d'os antigos establos imperials, amostra obras que son consideratas por beluns como controvertitas. Os tres museus son un important destín toristico a ran mundial.

O Kunsthistorisches Museum tien una sobrebuena colección d'obras d'arte. Entre as suyas obras se troban pinturas famosas d'os prencipals mayestros europeus, como a "Torre de Bable" de Pieter Bruegel o Viello, asinas como una ampla colección de piezas d'arte d'o mundo antigo. A colección echipciana (Aegyptisches Sammlung) amostra momias, grabatos y a sepoltura d'un prencipe echipcián que fue transportata por o emperador Francisco-Chusé enta Viena y dimpués reconstruita en o museu. En o teito d'as escaleras d'o museu bi ha bells frescos d'o famoso artista austriaco Gustav Klimt.

O Naturhistorisches Museum encluye una polita muestra de birabolas y atros insectos, y una gran colección d'animals disecatos, entre os que cal destacar un caballo de Przewalskii, un chicot rinoceront de Chava y un dodo. Tamién son importants o famoso Mikrotheater d'o museu, a on s'amostran diapositivas con organismos microscopicos, os dos cangrillos araina que ninvió a Francisco-Chusé o emperador chaponés como regalo, y a primera representación humana d'una scena subaquatica feita d'a observación dreita d'ista y a capsula dende a que se fació. En as escaleras se pueden veyer pinturas d'o emperador Francisco-Chusé, d'a emperatriz María-Tresa y de su chicot can.

Vinclos externos[editar | editar código]