María Antonia Zorraquino

María Antonia Zorraquino
Información personal
Naixida o:	1904
Naixida de:	Zaragoza, Aragón
Muerta o:	22 de noviembre de 1993
Muerta en:	Zaragoza, Aragón
Alma Máter	Universidat de Zaragoza
Ocupación:	Quimica.
Casada con:	Juan Martín Sauras
Fillos:	Juan (1932), María del Pilar (1933) y M.ª Antonia (1948)

María Antonia Zorraquino Zorraquino (Zaragoza, 1904-22 de noviembre de 1993) estió una investigadora y bioquimica aragonesa.

Biografía

A suya familia teneba una fabrica de chicolate y su pai yera en favor d'a educación d'as mullers. María Antonia asistió, dende os tres anyos, a o Colechio Superior pa Senyoritas, a on aprendió, entre atras materias, francés y matematicas. Dimpués de pasar por atras escuelas, remató fendo o bachillerato en l'Instituto Cheneral y Tecnico de Zaragoza.

En primerías le intresaban mas as ciencias pero cuan miró a traviés d'o microscopio en o laboratorio d'o doctor Rocasolano, amigo de su pai, sapió ascape que quereba estudiar quimica, como explicó en una entrevista.

Se doctoró en 1930 en a Facultat de Ciencias d'a Universidat de Zaragoza con a tesis «Investigaciones sobre estabilidat y carga electrica d'os coloides» y yera a unica muller d'a suya promoción que teneba ventitrés hombres.

Desembolicó o suyo treballo en o Laboratorio d'Investigaciones Bioquimicas baixo a dirección de Gregorio Rocasolano. En 1931 se casó con Juan Martín Sauras, catedratico de Quimica en a Universidat de Zaragoza, con qui tenió tres fillos: Juan, que nació en 1932, María del Pilar, nació y murió en 1933 y M.ª Antonia que nació en 1948 y ye catedratica de Luenga Espanyola en a Universidat de Zaragoza. A tamás de que l'habría feito goyo de continar con a suya faina en o Laboratorio de Quimica, o suyo mariu no consideró apropiau que una muller casada treballara fuera de su casa. Murió o 22 de noviembre de 1993.

Referencias

• Datos: Q19766268