Lunes Santo

De Biquipedia
L'Untamiento de Chesús en Betania, pasache d'o Evanchelio de Lunes Santo

O Lunes Santo ye o segundo d'os días d'a Semana Santa, que prencipia o Domingo de Ramos, y mientres a que os cristianos remeran a Pasión, Muerte y Resurrección de Chesús de Nazaret.

Amás d'os actos que se fan en os templos, bi ha diversas manifestacions populars arredol d'o mundo en Semana Santa, destacando as procesions que s'organizan en muitos pueblos y ciudaz.

Liturchia de Lunes Santo[editar | modificar o codigo]

A diferencia d'atros días d'a Semana Santa que tienen ceremonias singulars, en a Ilesia Catolica o Lunes Santo contina a celebración normal d'a misa. En ista se leye o Evanchelio que recenta o pasache de L'Untamiento en Betania, en casa de Lazaro, en o que una d'as hermanas d'iste, María le unta con parfumes de gran valgua. A lectura corresponde a o Evanchelio seguntes Sant Chuan:

Chesús, seis días antis d'a Pascua, marchó ta Betania, a on que yera Lazaro, o muerto que heba devantau d'a muerte. Li ufrioron allí una cena; y Marta serviba; Lazaro yera un d'os que yeran posatos con él a la mesa. Allora María, prenendo una libra de parfume de nardo lechitimo de gran valgua, l'ungüentó los piez a Chesús y li'n ixugó con o pel. Y a casa s'implió d'a fragancia de l'ungüento. Pero Chudas Escariot, un d'os disciplos, o que iba a entregar-lo, dició: -Por que ragón no s'ha vendito iste parfume por trescientos denarios de plata y no s'ha dato a los pobres? Dició isto no pas porque l'importasen os pobres, sino porque yera un furtaire, y como teneba la bolsa, se levaba o que i chitaban. Dició allora Chesús: -Deixa-la!, Ella ha alzato iste parfume ta o tiempo d'a mía sepoltura; a os pobres los tenez perén entre vusatros; por contra a yo no m'iz a tener perén. Una gran moltitut de chodigos s'enteró que yera allí y se'n fuoron no solo por Chesús, sino tamién ta veyer a Lazaro, a o que heba devantau d'a muerte. Os sumos sacerdoz, por a suya parti, heban decidito matar tamién a Lazaro, porque por él muitos d'aquels chodigos se'n iban y creyeban a Chesús. (Chn 12, 1-11)[1]

Celebracions en Aragón[editar | modificar o codigo]

Procesión d'as Siete Palabras.

En Zaragoza se fan cuatre Via Crucis organizatos por as cofadrías d'as Siete Palabras, o Nazareno, a Exaltación y a Dolorosa y a Procesión d'as tres cayitas organizata por a cofadría d'o Calvario

Referencias[editar | modificar o codigo]

  1. Os cuatre Evachelios d'o nuestro Sinyor Chesucristo, traducción de mosén Pedro Recuenco Caraballo


 
Semana Santa
Viernes de Dolors | Sabado de Pasión | Domingo de Ramos | Lunes Santo | Martes Santo | Miércols Santo | Chueves Santo | Viernes Santo | Sabado Santo | Domingo de Pascua