Luis del Val

De Biquipedia
Ir a la navegación Ir a la búsqueda
Luis del Val
(Luis del Val) Premios ¡Bravo! 2018.jpg
Información personal
Calendata de naixencia 28 de chunio de 1944
Puesto de naixencia Flag of Aragon.svg Zaragoza (Zaragoza, Aragón)
Ocupación Politico, periodista y escritor

Luis del Val Velilla (Zaragoza, 28 de chunio de 1944) ye un politico, periodista y escritor aragonés.

Biografía[editar | editar código]

Cursó estudios de Machisterio en a Escuela Normal de Zaragoza. En 1975 prencipió as suyas actividatz politicas chunto a Francisco Fernández Ordóñez y a Federación de Partidos Socialdemócratas que iste presidiba, y en 1976 fundó en Zaragoza o Partido Social Demócrata Aragonés.

Deputato de UCD por a circunscripción de Zaragoza en a lechislatura constituyent (1977-1979) en o Congreso d'os Deputatos, ocupó en o Menisterio de Treballo o cargo de director cheneral de cooperativas y empresas comunitarias (1977-1980) y en 1983, zaga d'a disolución de UCD, se retiró d'a politica.

Dende allora, ha venito treballando en asabelos medios de comunicación. Estió director de Radiocadena Española (1980-1982) y ha colaborato con a Cadena SER, Interviú, Diario 16 y Tiempo.

Ye autor de una ucena de libros de narrativa y ensayo, d'entre os que cabe estacar as novelas Los ejecutivos también sueñan (1986), Buenos días, señor ministro (1988, premio Café Gijón), Los juguetes perdidos (1996), Las amigas imperfectas (2003, premio de novela Ateneo de Sevilla) y Volveremos a Venecia (2005); o libro de relatos Cuentos del mediodía (1999), Los caballos cojos no trotan, una obra de teatro en forma de monologo, y os ensayos Prietas las filas (1999), acerca del Frente de Juventudes, y Con la maleta al hombro (2000), prexinanza sobre a emigración en Espanya.

A suya labor periodistica ha sito destinguita con muitos galardons, entre os que se cuentan o "Micrófono de Oro" d'a Asociación de Profesionales de Radio y Televisión (1999), por os suyos Perfiles sonoros emitidos en a Cadena SER, y dos premios Ondas, uno concedito en 1990 por o suyo programa Sé que estás ahí, que dirichió y presentó en a Cadena COPE, y atro en 2002 por "La foto del día", sección incluita en o programa Hoy por hoy d'a Cadena SER.

Dende 2004, o Concello de Sallén de Galligo convoca en homenache suyo o Premio de Relatos Luis del Val, de relatos curtos (para leyer en tres menutos), con periodicidat anyal.