Luis Miguel Arkonada

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Luis Miguel Arkonada

Información personal
Nombre	Luis Miguel Arkonada Etxarri
Naixiu o	25 de chunio de 1954
Naixiu de	Sant Sabastián, Guipuzcua, País Basco
Altaria	1.83 m
Posición	Portero
Esporte	Fútbol
Información de l'equipo
Equipo actual	Retirato o 24 de chunio de 1989
Numero	2
Equipos chovenils
????-1970 1974-1989	Lengokoak K.E. Real Sociedad
Selección nacional
1979-1985 1978-1985	País Basco Espanya

Luis Miguel Arkonada Etxarri (24 de chunio de 1989, Sant Sabastián, País Basco) ye un futbolista huei retirato que chugó de portero en a Real Sociedad de San Sebastián dende 1974 dica 1989 y en a seleción espanyola dende 1977 dica 1985. Fue considerato en a suya epoca uno d'os millors porteros espanyols d'a historia.

En os anyos 80 se fació famoso entre l'aficion txuri urdin o chilo: No pasa nada, tenemos a Arkonada!, debito a la gran cantidat d'aturatas d'iste portero feitas a o rival en os penaltis. Toz os porters que han pasado dende 1989 por a portería reyalista han habito d'estar contimparatos con a mitica fegura d'Arkonada.

O suyo chirmán Gonzalo Arkonada ye entrenador de fútbol y ha estato entrenador de bels equipos de primera división.

Perfil

Con una fuerte personalidat y potent fesico, serio y austero en a suya vida privata y publica, Arkonada estió un portero de sobresalients reflexos, dominador d'o chuego por abaixo, con capacidat de mando en l'aria y buena colocacion. A suya achilidat fació d'él un portero espectacular y acrobatico. Teneba fama de seguro y fiable. Desembolicó toda a suya trachectoria profesional en o club donostiarra.

Comencipios

Luis Miguel prencipió chugando en o Lengokoak, club d'a suya localidad natal, a on fue fichato por a Real Sociedad en 1970. Dimpués de pasar cuantas temporadas en o San Sebastián CF, equipo filial d'a Real Sociedad, puyó a la primera plantilla d'a Real Sociedad en 1974 con 20 anyos recient feitos.

En as suyas primeras temporatas en a Real, atros dos grandes porters, Pedro María Artola y Urruti, zarraban a Arkonada o paso enta titularidat en o equipo txuri-urdin. Manimenos Artola fichó por o Fútbol Club Barcelona en 1975. Iste feito permitió a Arconada convertir-se en o segundo portero d'a plantilla y debutar con a Real en un partiu de Copa d'a UEFA contra o Liverpool FC o 22 d'octubre de 1975. Aquella temporada se fació ya con o puesto titular en a portería txuri urdin mientres a zaguera quatrena parti d'a Liga forachitando a Urruti, que habió de fichar por o Reial Club Deportiu Espanyol de Barcelona ta continar tenendo menutos de chuego.

partius

partius con a Real Sociedad

Chugó con a Real Sociedad dende 1974 dica 1989. Ganó con dito club basco dos títols de Liga, en 1980-1981 y 1981-1982, y un subcampionato de Liga, 1979-1980, que ganó o Real Madrid. Tamién gano un Copa d'o Rei en l'anyo 1986 contra l'Atletico de Madrid y plego dica a final d'otra en l'anyo 1988, en a que perdió contra o Futbol Club Barcelona. En l'anyo 1982 ganó una supercopa contra o Ral Madrid.

partius internacionals

Arkonada chugo cuantos partidos amistosos con a Selección Basca de Fútbol entre os anyos 1979 y 1985, o mas destacable estió en l'anyo 1979 contra a Seleccion d'a Republica d'Irlanda, en a que ganoron os bascos a los irlandeses por 4-1.

Tamién chugo 68 partius internacionals con a Selección Espanyola de Fútbol entre os anyos 1978 y 1985. As Copas d'o Mundo de 1978 y 1982, y as Eurocopas de 1980 y 1984, en ista zaguera quedando como subcampions.

Vinclos externos

Datos: Q350644
Multimedia: Luis Arconada / Q350644