Dolmen
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un dolmen, caseta de bruixas u losa os moros[1] ye una costrucción megalitica feita con dos losas (ortostatos) fincatas en la tierra en posición vertical y una losa de cubierta refirmata sobre ellas en posición horizontal; tot ixo enronato, formando un tumulo. La palabra provién de lo bretón "mesa de piedra".
Bi n'ha en Europa Occidental, sobretot en la frontera atlantica, y las costruyoron en lo neolitico final y calcolitico. A suya función se crei que ye de sepulcre comunal, pero tamién se crei que puet estar una forma de sinyalar que lo terreno perteneix a la comunidat humana que apedeca los muertos en ixe dolmen.
Tipos
[editar | modificar o codigo]Los models planers de dolmens son dos u mes losas verticals y dencima una d'horizontal, por un regular acompanyatas con atras piedras arredol de grans dimensions.
Cuan s'anyade a lo dolmen un corredor que lo conecta con l'exterior se'n diz que ye un sepulcre de corredor, con cambra que puet estar construita con grans losas (ditas ortostatos) y una falsa vuelta feita con losas u haber-se entallato en la roca.
Un tercer tipo de tumba megalitica ye la de canyo, on lo corredor no se diferencia de la cambra, y a vegatas tien un pilar pa sostener las pesatas cubiertas.
Dolmens en l'Alto Aragón
[editar | modificar o codigo].jpg)
L'Alto Aragón ye entre dos de los cuatre focos megaliticos que gosan considerar los prehistoriadors en Espanya (o nuclio basco-navarro y o nuclio catalán). Los dolmens de l'Alto Aragón tienen dimensions redueitas en comparanza a los dolmens d'estos dos nuclios megaliticos.
Encara que puet que i haiga por lo menos un megalito en cada val pirenenca, la mayor concentración de dolmens se da por una parte en l'Alto Aragón occidental entre la Guarguera y la Val d'Echo y por atra en lo Prepireneu oriental.
.jpg)
Por los axugars funerarios los dolmens mes antigos de l'Alto Aragón calendan de lo calcolitico y son mes tardanos que beluns d'Alaba que calendan de lo neolitico superior. Se sabe que bels dolmens de l'Alto Aragón los reutilizoron en epocas posteriors, (en Asturias se conoixen reutilizacions dica l'Alta Edat Meya). Uno de los dolmens de Santa Helena en Biescas tien materials de la Edat de lo Bronce que indican contactos con la cultura de l'Argar.
Por la mesma razón que los dolmens fuoron reutilizatos se puet pensar que bels dolmens calendatos como calcoliticos podioron estar tamién en realidat reutilizatos en lo calcolitico, tresbatir-se allora lo suyo material neolitico y remontar-sen a lo neolitico superior.
En los zagueros sieglos s'han perdito bels dolmens, como por eixemplo en Paúls (Viello Sobrarbe), on lo mosen se levó la losa superior de lo dolmen que bi heba a lo costato de la carretera y la adhibió a la ermita.
Lo famoso dolmen de Santa Helena ye una recostrucción de lo que i heba enantes de la guerra civil con las mesmas piedras.
Pero la trasformación de lo territorio tamién ha contribuito a que se conoixcan dolmens nuevos como lo de Seira, que se descubrió cuan se desfeba lo suyo tumulo con enchaquia de construcción d'infrastructuras electricas.
Bels prehistoriadors especulan que las comunidaz que construiban dolmens en los Pireneus entre Catalunya y lo País Basco podioron estar portadors de luengas de la familia de lo basco en base a que la presencia de toponimia basca en Catalunya, Aragón y Occitania coincide con la presencia d'estos megalitos, que son anteriors a la plegata de los pueblos indoeuropeus.
Referencias
[editar | modificar o codigo]- ↑ Chesús Casaus Parrilla, Pascual Miguel Ballestín. Dizionario Aragonés de Terminos Cheograficos. Ainas. Gara d'Edizions. ISBN 978-84-8094-059-7
