Linia de Benrath

L'alto alemán se subdivide en alemán superior (verde) y alemán central (azul), distinguindo-se d'o baixo alemán (amariello). As prencipals linias isoglosas son marcadas en negro.

A linia de Benrath (en alemán Benrather Linie) ye, en lingüistica alemana, a isoglosa maken-machen. Ye tradicionalment emplegada ta distingir as variedatz de l'alto alemán d'as d'o baixo alemán. A linia va dende Benrath (barrio de Düsseldorf) y Aachen a l'este d'Alemanya, dica Frankfurt an der Oder en l'aria de Berlín y Dessau.

A segunda mutación consonantica (entre os sieglos III y IX dC), en as primeras tres fasas d'a quala no facioron parti os dialectos baixo alemans, afectó a las variedatz meridionals d'o continuum dialectal d'as luengas chermanicas occidentals. O impacto d'a mutación consonantica, aumenta gradualment a mida que enantamos enta o sud.

A linia de Benrath no marca l'efecto mas septentrional d'a mutación consonantica, ya que a linia de Uerdingen, u isoglosa ik-ich, caye mas enta o norte, y beluns d'os cambeos perifericos asociaus con a mutación afectaron a o baixo alemán.

Se veiga tamién

• Linia d'Espira
• Linia de Uerdingen
• Weißwurstäquator

Vinclos externos

• (de) Variedatz de l'alemán
• (de) Mapas d'a línia de Benrath