Linia d'Espira

De Biquipedia
Ir a la navegación Ir a la búsqueda
L'alto alemán se subdivide en alemán superior (verde) y alemán central (azul), distinguindo-se d'o baixo alemán (amariello). As prencipals linias isoglosas son marcadas en negro.

A linia d'Espira (en alemán Speyerer Linie) u linia d'o Mein (en alemán Main-Linie) ye, en lingüistica alemana, a isoglosa que desepara os dialectos baixoalemans y os centroalemans (a o norte), que han desenvolicau una pausa cheminada en parolas como Appel (en aragonés "manzana"), d'os dialectos altoalemans superiors (a o sud), que han desenvolicau una consonant fricativa Apfel, seguindo a segunda mutación consonantica de l'alemán.

A isoglosa discurre d'este a ueste y trescruza a ciudat d'Espira (Speyer, en o estau federau de Renania-Palatinato), seguindo o río Main, motivos por os que prene iste nombre.

En Alemanya a linia ye bien conoixida por o suyo apelativo humoristico, Weißwurstäquator. Iste nombre, que se puet traducir como "o equador d'a salchicha blanca" (a tradicional Weißwurst baverana), s'emplega ta enfatizar as esferencias culturals entre o sud (mas que mas a rechión de Bavera) y a resta d'o país.

Se veiga tamién[editar | editar código]