Lepiota

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lepiota

Bels potrecons d'o chenero Lepiota.

Estato de conservación

Seguro.

Clasificación scientifica

Dominio:	Eukaryota
Reino:	Fungi
Filo:	Basidiomycota
Clase:	Homobasidiomycetes
Subclase:	Hymenomycetes
Orden:	Agaricales
Familia:	Agaricaceae
Chenero:	Lepiota

Especies

Se veiga texto

Lepiota (Pers.) ye un chenero de fongos basidiomicez, a dintro d'a orden Agaricales. Anque totas as especies d'o chenero producen esporas de color blanca, son familiars d'os champinyons (chenero Agaricus), que istos las i tienen de marrons, a partir d'os cuals ye descrita la orden. Per l'usual, tienen aniellos en o trallo, que en os eixemplars mes grans pueden desprender-se. As coronas tienen escratas, a color d'as cuals ye muit important ta determinar-ne la especie exacta.

A especie tipo d'o chenero no ye guaire clatera. Earle referiba la cocoma bateauguas como tal en l'anyo 1909, encara que Singer en 1946 proponsó Lepiota clypeolaria ta impedir as entivocacions con o tamién descrito chenero Macrolepiota, a on que a primera ye actualment concabida. Actualment Lepiota clypeolaria se troba clasificada tamién en un altro chenero, baixo la denominación d'Agaricus columbinus. Asinas, no bi ha garra d'as especies orichinals que s'emplegoron ta describir iste chenero que encara i siga clasificada.

En relación con a suya cullita, os potrecons d'iste chenero contienen amanitinas que éls fan fuertement toxicos. D'entre as especies que se conoix que han gosato causar muertes, u han plegato a man de causar-ne, i hai a Lepiota brunneo-incarnata que se troba en a Peninsula Iberica, a Lepiota helveola y a Lepiota josserandi d'America d'o Norte.