Forno de pan cocer
Un forno de pan cocer[1][nota 1] ye un edificio chicot que conta con un forno de lenya pa cocer as fogazas y atros pans (asinas como galletas y tortas), feitos de forma casera, y que son usaus y chestionaus por os vecinos d'una comunidat.
D'antis mas, lo mas común yera que o pan lo fese cada familia en a suya casa, y semanalment n'iban ta o forno de pan cocer por turnos, a on un fornero trigau por subasta s'encargaba de cocer as masas.[2] Toz os vecins yeran obligaus a ir por la costa d'os fornos publicos (por eixemplo, precurando-ne lenya).[3] O forno, amás de puesto a on cocer o pan, constituyiba un puesto pa socializar, mas que mas d'hibierno.[4][5]
En Europa, a cultura d'os fornos de pan cocer s'espardió mientres a epoca romana y tenió continez, mas que mas en arias rurals, dica o sieglo pasau. Debiu a la industrialización d'a panadería, hue lo día a mayoría de fornos de pan cocer han estau albandonaus u espaldaus.
Notas
[editar | modificar o codigo]- ↑ Con as variants furno, a ribagorzana forn y a benasquesa fort (ort. fòrt)
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (es) La tradición del pan artesanal en España. José Carlos Capel Cita. Àmbit Servicios Editoriales, 1994. 1ª edición. ISBN 84-87342-23-X. OCLC 32970683. Pach. 137
- ↑ (es) Historia de Buciegas: un pueblo español. Antonio Checa Sainz. Vision Libros, 2017. ISBN 978-84-9011-661-6. OCLC 1030667890
- ↑ (it) Forno Comune. Global Project
- ↑ (es) Orden del DOG nº 139 de 2017/7/21. Consellería d'o Medio Rural, Chunta de Galicia, 21 de chulio de 2017
Se veiga tamién
[editar | modificar o codigo]| Control d'autoridaz |
|
|---|
Datos: Q5153962
Multimedia: Communal ovens / Q5153962