K2-18b

De Biquipedia
Ir a la navegación Ir a la búsqueda
K2-18b  
Esa-hubble-k2-18a impression.jpg
Caracteristicas orbitals
Radio meyo: 2,71±0,07 R[1]
Excentricidat: 0,20±0,08
Periodo orbital: 32,939623+0,000095−0,000100 d
Inclinación: 89,5785° +0,0079°−0,0088°
Caracteristicas fisicas
Masa: 8,63±1,35 M[1]
Densidat meya: 2,38 g/cm3[1]
Gravedat superficial: ≤1,18 g
 • Meyana: 265 ± 5 K (−8 ± 5 °C)[1]

K2-18b, tamién conoixito como EPIC 201912552 b, ye una exoplaneta que orbita la estrela nana roya K2-18, situata a 124 anyos luz (38 pc) d'a Tierra.[1] A planeta, en primeras descubierta gracias a o telescopio espacial Kepler, tien bellas ueito vegatas a masa d'a Tierra, e asinas se clasifica como una supertierra. Tien una orbita de 33 días en a zona d'habitabilidat.

En 2019, dos estudios de rechira independients, combinando datos d'o telescopio espacial Kepler, d'o telescopio espacial Spitzer e d'o telescopio espacial Hubble, concluyó que bi heba quantidatz significativas de vapor d'augua en a suya atmosfera, a primera planeta con tals caracteristicas en a zona d'habitabilidat.[2][3][4]

Descubrimiento[editar | editar código]

K2-18b fue identificato como parti d'o programa d'o telescopio espacial Kepler, una entre bellas 1 200 exoplanetas descubiertas durando a misión "Second Light" K2 mission.[5] O descubrimiento de k2-18b se fizo en 2015, en orbitar una estrela nana roya (agora dita K2-18) con un tipo espectral estelar de M2,8 a 124 anyos luz u 38 parsecs dende a Tierra. A planeta fue detectata a traviés d'as variacions d'a curva de luz d'a estrela causata per o transito d'a planeta debant d'a estrela veyita dende a Tierra[1][6][7] A planeta fue clamata "K2-18b", car fue a deciueitena planeta descubierta durando a misión K2. O predito contraste relativament baixo entre a planeta e a suya estrela anfitriona ferba mes facil alufrar l'atmosfera de K2-18b en l'esdevenidero.[6]

En 2017, os datos d'o telescopio espacial Spitzer enfortioron que K2-18b orbita en a zona d'habitabilidat arredol d'o K2-18 con un periodo de 33 días, prou curto ta permitir observacions d'a-saber-los ciclos orbitals e ta amillorar a importancia estatistica d'o sinyal. Isto levó a un mayor intrés per continar as observacions de K2-18b.[8]

Posteriors estudios sobre K2-18b meyant as ainas d'o Buscador de Planetas per Velocidat Radial d'Alta Precisión (HARPS) e d'a Busca de Calar Alto de Nanas M con Exotierras meyant Espectografos de Quasi-infrarroyo e Optico Echelle (CARMENES) tamién identificoron probablement una segunda exoplaneta, K2-18c, con una masa estimata de 5,62±0,84 M en una orbita mes abracata de nueu días,[1] pero ista planeta adicional encara no se ye enfortita, e puet deber-se, manimenos, a l'actividat estelar.[9]

Localización[editar | editar código]

Puesto en o cielo de K2-18, rodiato per un cerclo blanco.

As coordinatas en o Sistema de Referencia Celeste Internacional (ICRS) son: ascensión recta 11h 30m 14,518s e declinación +07° 35' 18,257". Ista planeta se sitúa en a constelación de Leo, pero difuera d'o suyo asterismo de lion.[10] Quan en primeras se descubró, a distancia de K2-18 d'a Tierra s'estimó que yera de 110 anyos luz u 34 parsecs.[6] Sindembargo, datos mes precisos d'o prochecto de mapeo estelar Gaia ha amostrato que ye a una distancia de 124,02 ± 0,26 anyos luz u de 38,025 ± 0,079 parsecs. Ista mida de distancia amillorata aduyó a afinar mes as propiedatz d'o sistema exoplanetario.[1]

Caracteristicas fisicas[editar | editar código]

K2-18b orbita a bellas 0,1429 ua u 21,38 millons de km, chacendo doncas adintro d'a zona d'habitabilidat calculata ta la nana roya, entre 0,12 e 0,25 ua u 18 e 37 millons de km.[4] A exoplaneta ha un periodo orbital de bells 33 días,[8] o que suchier que ye acoplato de marea, dando a mesma cara enta a suya estrela anfitriona.[11] S'estima que a temperatura d'equilibrio planetario ye de bells 265 ± 5 K u −8 ± 5 °C u 17 ± 9 °F,[1] debito a la suya irradiancia estelar d'alto u baixo 94% d'a d'a Tierra.[8] S'estima que K2-18 ha un radio de 2,71±0,07 R e una masa de 8,63±1,35 M, seguntes un analís meyant as ainas HARPS e CARMENES.[1] En primeras se li consideró un minineptuno quan se descubrió; a distancia de K2-18 d'a Tierra s'estimó que yera de 110 anyos luz u 34 parsecs,[6] pero datos amilloratos de K2-18b lo ha clasificato como una supertierra.[8] Una contimparanza d'a grandaria, orbita e atras caracteristicas de K2-18b con atras exoplanetas detectatas suchier que a planeta poderba acubillar una atmosfera que contiengan atros gases chunto con l'hidrochén e l'helio.[12]

Descubrimiento d'augua[editar | editar código]

Se son realizatos estudios mes amplos meyant o telescopio espacial Hubble que han corroborato los resultatos d'as observacions d'o Kepler e d'o Spitzer e que han permitito midas adicionals de l'atmosfera d'a planeta. Dos analises deseparatos de rechiradors d'a Universidat de Mont-reyal et d'o Colechio Universitario de Londres (con as siglas en anglés UCL) sobre os datos d'o Hubble se publicoron en 2019. Os dos examinoron os espectros d'a luz estelar que esnavesan l'atmosfera durando los transitos, trobando-ie que K2-18b ha una atmosfera d'hidrochén y helio con una alta concentración de vapor d'augua, que poderba variar entre 0,01 e 12,5%, dica entre 20 e 50%, pendendo de qué atras menas de gases son presents en l'atmosfera. En os libels maximos de concentración, o vapor d'augua poderba estar prou alta ta formar-n'i de boiras.[3][4][13] L'estudio menato per o UCL se publicó l'11 de setiembre de 2019 en a revista Nature Astronomy; l'estudio menato per a Universidat de Mont-reyal, que encara no se ye visurato, se penchó un día antis en o servidor arXiv.org.[11] L'analís menato per o UCL detectó augua con una significación estatistica de 3,6 d'esbarres tipicos, equivalent a un libel de confitanza d'o 99,97%.[4]

Ista fue a primera exoplaneta superterrestre adintro d'a zona d'habitabilidat d'a suya estrela e que l'atmosfera se'n detectó;[4] e o primer descubrimiento d'augua en una exoplaneta en a zona d'habitabilidat.[2][3] Se yera previament detectata augua en as atmosferas de exoplanetas de zonas no habitables como HD 209458 b, XO-1b, WASP-12b, WASP-17b e WASP-19b.[14][15][16]

Os astronomos fan refirmanza en que o descubrimiento d'augua en l'atmosfera de K2-18b no significa que en pueda acubillar de vida u mesmo que siga habitable, ya que probablement manca qualsiquier superficie solida u una atmosfera que en pueda acubillar de vida.[2] Manimenos, trobar-ne d'augua en una exoplaneta en a zona d'habitabilidat aduya a replecar cómo se forman as planetas.[2] S'aspera agora que K2-18b siga alufrato con o telescopio espacial James Webb, con una lanzamiento programato ta 2021, e con o telescopio espacial ARIEL, con un lanzamiento ta 2028. Os dos portiarán ainas disenyatas ta determinar a composición d'as atmosferas exoplanetarias.[3]

Vinclos externos[editar | editar código]

Referencias[editar | editar código]

  1. 1,0 1,1 1,2 1,3 1,4 1,5 1,6 1,7 1,8 1,9 Cloutier, R.; et al. (7 de chinero de 2019). "Confirmation of the radial velocity super-Earth K2-18c with HARPS and CARMENES". Astronomy & Astrophysics. 621. A49. arXiv:1810.04731. Bibcode:2019A&A...621A..49C. doi:10.1051/0004-6361/201833995.
  2. 2,0 2,1 2,2 2,3 Ghosh, Pallab (12 de setiembre de 2019). "Water found for first time on 'potentially habitable' planet". BBC News. Consultato lo 13 de setiembre de 2019.
  3. 3,0 3,1 3,2 3,3 Greshko, Michael (11 de setiembre de 2019). "Water found on a potentially life-friendly alien planet". National Geographic. Consultato l'11 de setiembre de 2019.
  4. 4,0 4,1 4,2 4,3 4,4 Tsiaras, Angelos; et al. (11 de setiembre de 2019). "Water vapour in the atmosphere of the habitable-zone eight-Earth-mass planet K2-18 b". Nature Astronomy: 1–6. arXiv:1909.05218. Bibcode:2019arXiv190905218T. doi:10.1038/s41550-019-0878-9. Consultato l'11 de setiembre de 2019.
  5. "NASA's Kepler Mission Announces Largest Collection of Planets Ever Discovered" (comunicato de prensa) (en anglés). NASA. 10 de mayo de 2016. Consultato l'11 de setiembre de 2019.
  6. 6,0 6,1 6,2 6,3 Montet, Benjamin T.; et al. (5 d'agosto de 2015). "Stellar and Planetary Properties of K2 Campaign 1 Candidates and Validation of 17 Planets, Including a Planet Receiving Earth-like Insolation" (en anglés). The Astrophysical Journal. 809 (1): 25. arXiv:1503.07866. Bibcode:2015ApJ...809...25M. doi:10.1088/0004-637X/809/1/25.
  7. Foreman-Mackey, Daniel; et al. (18 de chunio de 2015). "A systematic search for transiting planets in the K2 data" (en anglés). The Astrophysical Journal. 806 (2): 215. arXiv:1502.04715. Bibcode:2015ApJ...806..215F. doi:10.1088/0004-637x/806/2/215.
  8. 8,0 8,1 8,2 8,3 Benneke, Björn; et al. (12 de chinero de 2017). "Spitzer Observations Confirm and Rescue the Habitable-zone Super-earth K2-18b for Future Characterization" (en anglés). The Astrophysical Journal. 834 (2): 187. arXiv:1610.07249. Bibcode:2017ApJ...834..187B. doi:10.3847/1538-4357/834/2/187.
  9. Sarkis, Paula; et al. (2018). "The CARMENES Search for Exoplanets around M Dwarfs: A Low-mass Planet in the Temperate Zone of the Nearby K2-18" (en anglés). The Astrophysical Journal. 155 (6): 257. arXiv:1805.00830. Bibcode:2018AJ....155..257S. doi:10.3847/1538-3881/aac108.
  10. "K2-18 -- High proper-motion Star" (en anglés). SIMBAD. Consultato lo 12 de setiembre de 2019.
  11. 11,0 11,1 Wall, Mike (11 de setiembre de 2019). "The Water Vapor Find on 'Habitable' Exoplanet K2-18 b Is Exciting — But It's No Earth Twin" (en anglés). Space.com. Archivato de l'orichinal l'11 de setiembre de 2019. Consultato lo 12 de setiembre de 2019. "Tsiaras e os suyos colegas publicoron lurs resultatos huei (11 de setiembre) en a revista Nature Astronomy. L'atro equipe de rechira, menato per Björn Benneke d'a Universidat de Mont-reyal, publicó o suyo articlo en o puesto web de prepublicación arXiv.org o martz. L'estudio de Benneke et al. encara no ye estata visurata per lurs pars."
  12. Cloutier, R.; et al. (5 d'aviento de 2017). "Characterization of the K2-18 multi-planetary system with HARPS. A habitable zone super-Earth and discovery of a second, warm super-Earth on a non-coplanar orbit" (en anglés). Astronomy & Astrophysics. 608 (35). A35. arXiv:1707.04292. Bibcode:2017A&A...608A..35C. doi:10.1051/0004-6361/201731558. Archivato de l'orichinal o 12 d'agosto de 2018. Consultato l'11 de setiembro de 2019.
  13. Grossman, Lisa (11 de setiembre de 2019). "This may be the first known exoplanet with rain and clouds of water droplets". ScienceNews. Archivato de l'orichinal o 12 de setiembre de 2019. Consultato l'11 de setiembre de 2019.
  14. "Hubble Traces Subtle Signals of Water on Hazy Worlds" (en anglés). NASA. 3 d'aviento de 2013. [Archivato] de l'orichinal o 6 d'aviento de 2013. Consultato o 4 d'aviento de 2013.
  15. Deming, D.; et al. (2013). ["Infrared Transmission Spectroscopy of the Exoplanets HD 209458b and XO-1b Using the Wide Field Camera-3 on the Hubble Space Telescope"] (en anglés). The Astrophysical Journal. 774 (2): 95. arXiv:[1302.1141.] Bibcode:2013ApJ...774...95D. doi:10.1088/0004-637X/774/2/95.
  16. Mandell, A. M.; et al. (2013). "Exoplanet Transit Spectroscopy Using WFC3: WASP-12 b, WASP-17 b, and WASP-19 b" (en anglés). The Astrophysical Journal. 779 (2): 128. arXiv:1310.2949. Bibcode:2013ApJ...779..128M. doi:10.1088/0004-637X/779/2/128.