Supertierra

De Biquipedia
Ir a la navegación Ir a la búsqueda

Una supertierra ye una planeta extrasolar con una masa mayor que la Tierra pero que ye substancialment abaixo d'aquells d'os chigáns de chelo d'o Sistema Solar, Urano y Neptuno, os quals tien 15 y 17 vegadas a masa d'a Tierra respectivament. O nombre "supertierra" se refiere nomás a la masa d'a planeta, y asinas no implica bella coseta sobre a suya habitabilidat.

A primera supertierra estio descubierta per Aleksander Wolszczan y Dale Frail arredol d'o pulsar "PSR B1257+12" en 1992. As dos planetas exteriors (clamatas "Poltergeist" y "Phobetor") d'o sistema tienen una masa aproximadament quatro vegadas a masa d'a Tierra, masiau chicotas d'estar chigans gasistas.

Comparanza dentre a Tierra, a supertierra CoRoT-7 b y Neptuno

Tipos[editar | editar código]

A causa d'a mayor masa d'as supertierras, as suyas caracteristicas fisicas pueden diferir d'a Tierra; os modelos teoricos ta supertierras proporcionan quatro composicions prencipals posibles seguntes a suya densidat:

  • supertierras de baixa densidat: son compuestas prencipalment de hidrochén y helio (tamién clamadas minineptunos).
  • supertierras de densidat intermeya que tienen l'augua como elemento mas important (tamién clamadas planetas ocíán).
  • supertierras de densidat intermeya pero que tienen un nuclio mas denso embolicau con una capa extendida de gas (tamién clamadas "nanas gasistas" u "subneptunos").
  • supertierras de densidat alta ye creyida d'estar pedregosa y/u metalica, como a Tierra y las atras planetas terrestres d'o Sistema Solar.