Johnny Weissmuller

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Johnny Weissmuller
O nadador y actor estausunidense Johnny Weissmuller, en una imachen de 1925.
Información personal
Nombre real	Johann Peter Weißmüller
Calendata naiximiento:	2 de chunio de 1904
Puesto naiximiento:	Freidorf (Banato, Imperio Austrohongaro, hue un districto de Timişoara, Rumanía)
Calendata muerte:	20 de chinero de 1984
Puesto muerte:	Acapulco de Juárez (Estato de Guerrero, Mexico)
Conchuche:	Camilla Louiee Bobbe Arnst (1931–1933) Lupe Vélez (1933–1939) Beryl Scott (1939–1948) Allene Gates (1948–1957) Irene Bouvier (1958–1962) Maria Brock Mandell Bauman (1963–1984)

Johnny Weissmuller (nombre artistico de Johann Peter Weißmüller), naixito de Freidorf (Banato, Imperio Austrohongaro, hue un districto de Timişoara, Rumanía) o 2 de chunio de 1904 y muerto en Acapulco de Juárez (Estato de Guerrero, Mexico) o 20 de chinero de 1984, estió un esportista y actor estausunidense. Naixito de l'Imperio Austrohongaro, perteneixeba a la minoría d'os suabios d'o Banato.

En a suya faceta esportiva, partecipó como nadador y chugador de waterpolo en os Chuegos Olimpicos de París de 1924 con tres medallas d'oro y una de bronze en natación;^[1] y tamién en os Chuegos Olimpicos d'Amsterdam de 1928 con dos medallas d'oro en natación.

En a suya faceta cinematografica, ye conoixito por os suyos papels de Tarzan en as cintas basatas en a obra d'Edgar Rice Burroughs, destacando as cintas Tarzan the Ape Man (1932, W. S. Van Dyke), a primera d'a serie; Tarzan's Secret Treasure (1941, Richard Thorpe); u Tarzan and the Mermaids (1948, Robert Florey), a zaguera d'a serie. Con a cinta Jungle Jim (1948, William Berke) prencipió una serie de cintas sobre iste presonache de cómic creyato por Don Moore y Alex Raymond, encara que con ista serie de cintas no tenió l'exito que s'asperaba.