Jacques Cartier

Jacques Cartier
Jacques Cartier en un retrato de Théophile Hamel.
Información personal
Calendata de naixencia	31 d'aviento de 1491
Puesto de naixencia	Sant-Maloù
Calendata de muerte	1 de setiembre de 1557
Puesto de muerte	Sant-Maloù
Ocupación	Explorador

Jacques Cartier (31 d'aviento de 1491, Sant-Maloù, Francia - 1 de setiembre de 1557), baptizato Jakez Karter, estió lo primer explorador francés en America d'o Norte.

Choventut

Os empencipiallos d'a suya vida son poco conoixitos. En 1520 se casó con Catherine, filla de Jacques des Granches, conestable de Sant-Maloù, matrimonio que millora la suya categoría social.

Bells historiadors piensan que talment habió ito a Terranoba con una campanya de pesca, ya que a rechión yera conoixita por os pescadors bascos y bretons. Atros prexinan, alazetando-se en o suyo conoiximiento d'o portugués y con as cutianas contimparacions con as suyes memorias de viache entre os amerindios de Nueva Francia y os brasilenyos, que talment habió participato en bell viache a Brasil, ye fácil que con Giovanni da Verrazzano (encara que iste no heba explorato más que l'America d'o Norte y no pas l'America d'o Sud).

Navegant de gran pericia, en 1532 fue presentanto a o rei de Francia por l'abat d'o monesterio d'o Mont-Saint-Michel, y en 1534 Francisco I li mandó que troba-se una rota ta comunicar Europa y Asia por o norte d'America (o clamato «paso d'o norueste»), ta eludir o control establito por os espanyols en aquell continent. Fació tres viaches ta intentar trobar o paso, en 1534, en 1535-1536 y en 1539-1542.

Morió por una epidemia de peste l'1 de setiembre de 1557 en a suya ciudat natal, y ye apedacato en a seu de Sant Vicent de Sant-Maloù.

Vinclos externos

• Se veigan as imáchens de Commons sobre Jacques Cartier.