Ixuela

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Un picador emplegando una ixuela en un tranco.

A ixuela ye una ferramienta con tozuel d'azero feita ta treballar a madera (fustiata), esvuadando especialment trallos u vigas, u ta la factura d'as bacías tradicionals. Tecnicament ye una evolución d'as estrals por lo suyo emplego, en fendo cambear l'anglo d'a fuella suya, de paralelo dica perpendicular respecto de l'astil. D'ixa maniera, se conseguió que en trucando la fusta, o trucazo no fuese si que paralelo a la superficie, usualment a favor d'as augüeras d'o material, fendo que s'alzase d'un regular nomás una capa superficial d'éste por cuentas d'ubrir-se la pieza de tot como gosa pasar con a estral.

O emplego d'as ixuelas ye muit vinclato con a fayena de fusteyata tradicional, y ye perdendo-se a saber-las priesas en os zaguers anyos en os paises occidentals.

As variants més chiquetas en mida que s'emplegan en o treballo d'a fusta (fustiata) reciben o nombre d'ixoletas u ixolons.