Isla Cockatoo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Isla Cockatoo Cockatoo Island | |
|---|---|
 Isla Cockatoo | |
| Localizazión | |
| Estau |  Australia
|
| Mar | Badía de Sydney |
| Cheografía | |
| Punto más alto | 18 m |
| Mapa | |
  | |
A isla Cockatoo (en anglés Cockatoo Island) ye una isla, declarada Patrimonio d'a Humanidat por a Unesco[1], localizada en o forcallo entre os ríos Parramatta y Lane Cove, en a badía de Sydney, en Sydney, Nueva Galas d'o Sud, Australia.
A isla Cockatoo ye a mas gran de cuantas islas d'a badía formadas por lomas de piedra d'arena, cubiertas d'antis mas por selvas, encara que actualment deforestadas. Orichinalment a isla se debantaba 18 m sobre o livel d'a mar y teneba una superficie de 12,9 ha, encara que fue estendillada dica as 17,9 ha y limpiada d'a mayor parti d'a suya vechetación.[2] Dita Wa-rea-mah por os aboríchens australianos que tradicionalment habitaban istas tierras antis d'a plegada d'os europeus, a isla pudo estar emplegada como base ta pescar, encara que no s'han trobau prebas fisicas de l'herencio aborichen en a isla.[3]
Entre 1839 y 1869, a isla Cockatoo fue emplegada como puesto ta internamiento de delincuents, mas que mas ta antigos convictos que heban tornau a delinquir en as colonias.[4][5][6]
A isla Cockatoo, incluyida en a lista de patrimonio nacional d'Australia, estió seu d'una d'as mayors atarazanas d'o país, que operó entre 1857 y 1991. O primer d'os dos diques ixutos fue construyiu por presos.[6] La actividat industrial en a isla reamtó en 1992.
En zaguerías de marzo de 2005, a isla fue reubierta a o publico ta o "Festival Isla Cockatoo 2005". A isla ye chestionada dende 2001 por o Sydney Harbour Federation Trust que promueve a revitalización d'a isla como un atractivo d'o puerto, con l'actividat maritima comercial, eventos culturals y un camping operativo que s'ubrió en l'anyo 2008, a on se permite acampar y disfrutar d'instalacions fixas.
Hue, a isla Cockatoo conserva muitas remeranzas d'o suyo pasau. Grans tallers, diques, muelles, residencias y atros edificios conservan a textura d'o pasau industrial d'a isla. A isla s'ha convertido en un puesto popular ta veyer os fuegos artificials de cabo d'anyo. Se i plega a traviés d'un ferry, que ha incrementau os suyos servicios a la isla. A isla s'habilita toz os días ta estar vesitada y no cal bosar ta fer-lo. En Cockatoo se fan muitos eventos culturals, atrayendo a milenta de personas toz os anyos.
En chulio de 2010, os edificios d'a garchola fuoron inscritos por a Unesco como Patrimonio d'a Humanidat,[1][7].
Referencias
[editar | modificar o codigo]- ↑ 1,0 1,1 (en) . http://www.couriermail.com.au/news/world-heritage-committee-approves-australian-convict-sites-as-places-of-importance/story-e6freon6-1225899640286.
- ↑ (en) Staff of the Sydney Harbour Federation Trust (23 de chunio de 2010). "Sydney Harbour Federation Trust Management Plan – Cockatoo Island Part 1". Australian Government. p. 10. http://www.harbourtrust.gov.au/system/files/pages/8f218079-46e1-0834-6185-c9fe52751d07/files/part-1-final.pdf. Retrieved 30 de setiembre de 2014.
- ↑ (en) "Management Plan – Cockatoo Island". Commonwealth of Australia: Sydney Harbour Federation Trust. 23 de chunio de 2010. http://www.harbourtrust.gov.au/docs/management-plan-cockatoo-island-part-1.pdf. Retrieved 8 de setiembre de 2012.
- ↑ (en) "Executive summary". Australian convict sites: World Heritage Nomination. Commonwealth of Australia: Department of the Environment, Water, Heritage and the Arts. Chinero de 2008. http://www.environment.gov.au/heritage/publications/about/convict-sites.html. Retrieved 8 de setiembre de 2012.
- ↑ (en) (Chinero de 2008) Australian convict sites: World Heritage Nomination, 36–37, Commonwealth of Australia: Department of Sustainability, Environment, Water, Population and Communities. ISBN 978-0-642-55390-4.
- ↑ 6,0 6,1 "Cockatoo Island: more information". National heritage places. Commonwealth of Australia: Department of Sustainability, Environment, Water, Population and Communities. 15 de mayo de 2008. http://www.environment.gov.au/heritage/places/national/cockatoo-island/information.html. Retrieved 8 de setiembre de 2012.
- ↑ (en) World Heritage Committee inscribes seven cultural sites on World Heritage List. Patrimonio de la Humanidad de la Unesco. 27 d'agosto de 2010
Vinclos externos
[editar | modificar o codigo]| Control d'autoridaz |
|
|---|
Datos: Q1105244
Multimedia: Cockatoo Island (New South Wales) / Q1105244