Ingenuity
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Ingenuity | |
|---|---|
 Ingenuity visto en Marte por Perseverance. | |
Datos chenerals
| |
| Aplicación | Sonda espacial |
| Operadors |  NASA
|
| Lanzamiento | 30 de chulio de 2020 |
| Lanzador | ULA Atlas V-541 |
| Destín | Marte |
Especificacions tecnicas
| |
| Masa | 1,8 kg |
| Grandarias | Diametro 1,2 m Altaria 0,8 m |
| Potencia | 350 W |
| Baterías | 35–40 Wh |
Ingenuity (en aragonés enchenio u estruzia), d'embotada Ginny, ye un helicoptero robotico emplegau pa prebar a tecnolochía pa explorar obchectivos interesants en Marte y aduyar a planificar a millor rota de conducción pa futuros rovers de Marte. O chicot helicoptero fació lo suyo desplegue en 2021 dende lo rover Perseverance como parti d'a misión Mars 2020. S'asperaba que vuele dica cinco vegadas entre la suya campanya de preba de 30 días, en primerías d'a misión d'o rover, ya que ye prencipalment una contrimuestra de tecnolochía. Se planeyaba que cada vuelo no prenga mas de tres menutos, a altituz que oscilan entre 3 y 10 m sobre a tierra. Potencialment poderba cubrir una longaria de dica 300 metros por vuelo. Puede emplegar o control autonomo y comunicar-se con o Perseverance dreitament dimpués de cada aterrizada. Si funciona como s'asperaba, a NASA podría construyir sobre o disenyo pa futuras misions aerias de Marte. A incheniera MiMi Aung ye o lider d'o prochecto.[1]
Ingenuity leva un troz de tela de l'ala d'o Wright Flyer de 1903, l'avión d'os chirmans Wright, lo primer vuelo motorizau controlau d'a humanidat en a Tierra, y la suya aria de desapegue y aterrizache ha estau nombrada Wright Brothers Field.
Lo 19 d'abril de 2021 a las 11:30 UTC, l'helicoptero realizó con exito lo primer vuelo motorizau en Marte, que duró 39,1 segundos. S'elevó verticalment bels 3 metros, flotó, chiró en o suyo puesto 96 graus en una maniobra planificada y aterrizó, convirtiendo-se asinas en a primera nau mas pesada que l'aire que vola en unatra planeta.[2] Manimenos o primer vuelo en unatra planeta corresponde a los globos que voloron en Venus en 1985 lanzaus per las sondas sovieticas Vega 1 y Vega 2.[3]
Orichinalment destinau a realizar cinco vuelos, l'helicoptero superó con creixes as expectativas y realizó un total de 72 vuelos entre un periodo d'aproximadament 3 anyos dica que lo danyo d'o rotor sufierto en chinero de 2024 obligó a meter fin a la misión.[4]
Referencias[editar | modificar o codigo]
- ↑ (en) Mars Helicopter Scout en a pachina web d'o Keck Institute for Space Studies
- ↑ (en) NASA’s Mars Helicopter Completes First Flight on Another Planet en The New York Times
- ↑ (en) The First Flight On Another World Wasn’t on Mars. It Was on Venus, 36 Years Ago en AirSpaceMag.com
- ↑ (en) Ingenuity Spots the Shadow of Its Damaged Rotor Blade en jpl.nasa.gov