Ilesia de Santa Olaria d'o Elsón

Ilesia de Santa Olaria
A ilesia de Santa Olaria.
Situación cheografica
Estau	Espanya
País	Aragón
'
Situación	O Elsón (l'Aínsa-Sobrarbe, Sobrarbe, Aragón)
Adreza
Coordenatas	42°17′59.12″N 0°09′38.26″E
Archidiocesi
Diocesi	Uesca
Arcipestrau	Semontano-Sobrarbe
Información cheneral
Advocación	Santa Olaria de Mérida
Culto	Catolico
Orden
Rector
Vicario parroquial
2.º Vicario parroquial
Mosen
Propietario
Administrador
Director
Coste	{{{coste}}}
Visitable
Altaria
Pisos
Amplaria
Largaria
Superficie
Diametro
Aforo
Altaria s.l.m.
Atras
Alcance
Iluminación
Potencia
Arquitectura
Tipo	Ilesia
Estilo	Renaixentista y barroca
Función	Templo
Catalogación
Materials
Construcción
Construcción	Primera metat d'o sieglo XVI
Fundador
Inicio	1546
Fin	1596-1601
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Premios
Pachina web
Localización
Ilesia de Santa Olaria Ilesia de Santa Olaria en Aragón

A ilesia de Santa Olaria d'o Elsón (prenunciau /santo'laɾjadol'son/) ye una ilesia catolica d'Aragón que se troba en a localidat d'o Elsón, en a valle d'o Susía y en o termin municipal de l'Aínsa-Sobrarbe, en sud de a comarca de Sobrarbe, en a provincia de Uesca.

A ilesia, construida en a primera metat d'o sieglo XVI en estilo renaixentista, ye un Bien d'Intrés Cultural declarau^[1] como enantes en fue de Monumento Nacional por o gubierno d'Espanya, dende os anyos 1970.^[2]

Recibe a denominación popular de "Seu de Sobrarbe",^[3]^[4] por as suyas dimensions y monumentalidat.

Construcción

A ilesia fue escomenzada en a primera metat d'o sieglo XVI por Chuan Tellet, mayestro d'obra que tamién treballó en a vecina ilesia de Santa Mª de l'Asumpción en Castillón de Sobrarbe. A conclusión de a primer fase de construcción, baixo tutela de Chuan Tellet, ye de 1546.^[4]

Una segunda tongada se fizo bella cinqüentena d'anyos mas tarde, cara ta 1596,^[5] tot construindo-se a portalada y o campanal, y ye sinyada con una inscripción en a torre por Chuan Costa. En 1601 se fa una tasación d'unas obras de consolidación feitas por Martín Torón.^[2]^[5]

O coro y as pinturas interiors de a ilesia se fizon en 1721, anque buena cosa de as tallas que i heba (a mayoría, d'o sieglo XVIII) se cacegón en a Guerra Civil Espanyola.

Arquitectura

A ilesia ye robusta y con a nau altera, compacta, y con un abside poligonal. Se considera que ye una construcción d'estilo transicional, escomenzada en a transición de o gotico tardano aragonés^[2] a o renaixentismo, con elementos clarament barrocos neoclasicistas adhibidos dimpués, como son a portalada y a torre de o campanal.

A nau se refirma sobre una vuelta estrelada.^[5] A portalada tiene terceletes, y a sacristía, que ye adosada por o costau sud de o presbiterio, tiene una vuelta de canyón.

Tiene, y historicament en teneba mas, una gran riqueza escultorica en l'interior. O pulpito se crei que ye de a mesma epoca en a que se fizo o coro (s. XVIII) y tamién resulta destacau.^[5]

O campanal se composa de tres cuerpos en altaria: o de debaixo ye quadrangular, y os dos d'alto tienen a planta octogonal, con garitons a costau y costau visibles en o segmento meyo,^[5] que sirven ta dar-le espacio a la escalera que a torre tiene en l'interior.