Herriko taberna

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Exterior d'una herriko taberna en Zarautz (Guipuzcua). En a persiana se leye un mensache de refirme a l'amanamiento de presos bascos a Euskal Herria.

Herriko taberna (d'o basco, «tabierna d'o pueblo», tamién conoixida como arrano taberna en guipuzcua) ye o nombre que reciben as tabiernas a on se reúnen os afiliaus y simpatizants d'a ezquierda abertzale (a ezquierda independentista basca).

Istas tabiernas se caracterizan por as suyas banderas nacionalistas (ikurriñas y arrano beltzas), a presencia de bascoparlants, os pres relativament baixos de bebidas y birolla, y as muestras de solidaridat con os presos bascos.

Persecución[editar | modificar o codigo]

En abril de 2002 o chuez Baltasar Garzón de l'Audiencia Nacional ordenó a confiscación de 55 heriko tabernas pa replegar os 24 millons d'euros que heba de pagar o partiu politico Batasuna por as pierdas economicas prevocadas por os atentaus d'a kale borroka, alegando que o partiu abertzale estió responsable d'os atentaus[1] y acusando a las tabiernas de financiar istas accions. As tabiernas fueron mesas baixo o control d'as autoridaz.[2]

O 23 d'octubre de 2006, a sala 61 d'o Tribunal Supremo espanyol ordenó a las autoridaz que dentraran en as tabiernas y facieran inventario d'as suyas propiedaz.[3][4]. Funcionarios d'a Guardia Civil y la Ertzaintza catalogoron as propiedaz de bellas 120 herriko tabernas.[5]

Ditas accions fuoron criticadas por toz os partius abertzales, mesmo o partiu Aralar, y se facioron manifestacions por tot o País Basco[6]

O 12 d'aviento de 2007, 16 chueces d'a sala 61 d'o Tribunal Supremo declaroron que no podeban prebar que as tabiernas perteneixieran a Batasuna.[1][2][4]

Referencias[editar | modificar o codigo]