Arrano beltza

De Biquipedia
Ir a la navegación Ir a la búsqueda
Arrano Beltza
Bandera de{{{nombre}}}
Uso
Proporción 2:3
Colors

   Amariello

   Negro

   Blanco

L'arrano beltza (en vasco "alica negra") ye o supuesto simbolo d'a dinastía -en orichen vascona- conoixita como Dinastía Ximena, que gubernó Navarra y os territorios baixo a suya dependencia mientres bells sieglos, dica que fue sustituita por a dinastía de Champanya.

En 1977 se proposó como bandera de Navarra, en cuentas de l'actual bandera roya con as cadenas, que ta par d'alavez teneba a cruz con laurers de Sant Ferrando.

A bandera roya la proposó a deputación navarra en primerías d'o sieglo XX (1910), inspirata por Arturo Campión, Iturralde y Suit y Olorizla: o royo lo facioron servir os navarros en setiar a os espanyols en Pamplona en 1512-1513, mientres que as cadenas feban referencia a la intervención navarra en a Batalla d'as Landas de Tolosa. A cruz con laurers se i anyadió dimpués d'a Guerra Civil (1936-1939) y fue concedita por o rechimen de Franco ta agradeixer a la "rechión" que as suyas guarnicions refirmasen o golpe d'estato. En 1977 a cruz se retirar y en 1982 se convirtió en bandera roya con o escudo, a lo que s'heba incorporato a corona borbonica.

No guaire mas tardi l'arrano beltza fue recuperata por os abertzales (en vasco patriotas) que respetando a bandera navarra existent, y tenindo os territorios vascos a l'atro canto d'os Pireneus banderas territorials propias, pasoron a considerar a ikurriña como bandera nomás d'a Comunidat Autonoma Vasca, y declaroron a l'arrano beltza como a bandera futura d'os territorios vascos reunificatos.

Se veiga tamién[editar | editar código]