Guadalajara (Jalisco)

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Guadalajara
Localidat de Mexico
Bandera Escudo d'armas
País
 • Estau
 Mexico
Jalisco
Superficie 150,20 km²
Población
 • Total

1460148 hab. (2010)
Altaria
 • Meyana

3.930 m.
Codigo postal 01000-11000
Patrons Virchen de Zapopan
Coordenadas
Guadalajara ubicada en Mexico
Guadalajara
Guadalajara
Guadalajara en Mexico
Web oficial

Guadalajara ye la decena aria metropolitana mas gran d'America Latina y un important hub tecnolochico y financiero d'America Latina. Ye una d'as ciudaz mas productivas y competitivas d'o mundo. La ciudat ye un important centro de ciencia, tecnolochía, finanzas, cultura, innovación, educación, negocios y turismo en Mexico. Ye lo fogar d'a-saber-los molimentos, como la Seu de Guadalajara, lo Teatro Degollau, el Templo Expiatorio, Hospicio Cabanas y Mercau San Juan de Dios, lo mercau interior mas gran d'America Latina. [1],[2]

Guadalajara fue fundada lo 14 de febrero de 1542 per Cristóbal de Oñate, un conqueridor basco, como capital d'o Reino de Nueva Galicia, parte d'o virreinau de Nueva Espanya. Dimpués de 1572, la Reyal Audiencia de Guadalajara, anteriorment subordinada a la Ciudat de Mexico, se convirtió en a sola autoridat en Nueva Espanya con autonomía sobre Nueva Galicia, a causa d'o rapido creiximiento d'a riqueza en o reino dimpués d'o escubrimiento d'archent. Pa lo sieglo XVIII, Guadalajara heba preso lo suyo puesto como la segunda ciudat mas gran de Mexico, dimpués de migracions colonials masivas en os decenios de 1720 y 1760. Entre la Guerra d'Independencia de Mexico, o lider independentista Miguel Hidalgo y Costiella establió lo primer gubierno revolucionario de Mexico en Guadalajara en 1810. La ciudat florió entre lo Porfiriato, con l'advenimiento d'a revolución industrial, pero lo suyo creiximiento se veyió obstaculizau significativament entre la Revolución Mexicana. En 1929, la Guerra Cristera remató dentro d'as mugas d'a ciudat, cuan lo president Plutarco Elías Calles proclamó lo "Chilo de Guadalajara". La ciudat experimentó un creiximiento contino entre la resta d'o sieglo XX, aconseguindo una población metropolitana d'1 millón en o decenio de 1960 y superando los 3 millons en o decenio de 1990.

Guadalajara ye una ciudat global y un d'os centros culturals mas importants de Mexico. Ye lo fogar de numerosos pilars d'a cultura mexicana, incluyius os mariachi, o tequila y a birria, y alberga a-saber-los eventos notables, incluyiu lo "Festival Internacional de Cine de Guadalajara", lo festival de cine mas important d'America Latina, y "la Feria Internacional d'o Libro de Guadalajara", la feria d'o libro mas gran en as Americas. La ciudat estió Capital Estatounidense d'a Cultura en 2005 y ha estau siede de numerosos eventos mundials, incluyida la Copa Mundial d'a FIFA 1970, la Copa Mundial d'a FIFA 1986, a I Cumbre Iberoamericana de 1991 y os Chuegos Panamericanos 2011. La ciudat alberga cuantas universidatz y institucions d'investigación, incluyidas la Universidat de Guadalajara y la Universidat Autonoma de Guadalajara, dos d'as universidaz millor cualificadas de Mexico y America Latina [3]

Simbolos[editar | modificar o codigo]

simbolos

Lo municipio de Guadalajara conta simbolos propios que identifican a la ciudat tapatía, dos d'éls son simbolos d'uso pa lo concello como lo escudo d'armas d'a ciudat de Guadalajara y la historica bandera d'a ciudat de Guadalajara. Existen atros simbolos mas populars que identifican a la ciudat como la Fuent d'a Minerva, la seu metropolitana, l'Hospicio Cabanas, los mariachis y las tortas afogadas.

Lo escudo d'armas de Guadalajara tiene dos leones, mesos en blinco, y arrimadas las patas a un pino d'oro, realzado de verde, en campo azul, y per orla siet aspas coloradas en campo d'oro, y per timble un yelmo zarrau, y per devisa una bandera verda con una cruz de Cherusalem d'oro mesa en una vara de lanza, con as suyas trascoles y dependencias a follajes d'azul y oro. Escudo d'armas d'a capital d'a provincia de Nueva Galicia d'a Nueva Espanya

Historia[editar | modificar o codigo]

Dimpués d'a victoria de Tonalá (acayeixida lo 25 de marzo de 1530), Nuño de Guzmán goza d'o tributo y homenache de totas comunidaz d'a val de Atemajac, an hue s'asienta la capital jalisciense. Inclusivament, lo conqueridor aspira a estar nombrau per Carlos I como lo primer marqués d'a Val de Tonalá.

La ciudat tenió cuatro asentamientos antes d'establir-se la suya estancia en dita capital, en un prencipio estió en Nochistlán en o paraje conoixiu como lo zapote hue conoixida como San Juan. La fundó Cristóbal de Oñate lo 5 de chinero de 1532, qui a l'efecto heba estau comisionado per Nuño de Guzmán. Este deseyaba contar con una ciudat que le servise pa asegurar las suyas conquiestas. Entre La Villa de Guadalajara la fundoron 42 vecins; lo nombre de Guadalajara lo prenioron en memoria d'a ciudat espanyola homonima, cuna de Nuño de Guzmán. Poco duró la Villa en este puesto, con l'anuencia de Guzmán, Juan de Oñate (fillo de Cristóbal de Oñate), Miguel d'Ibarra y Sancho Ortiz, lo 19 de mayo de 1533, prochectoron mudar-la de puesto. Asinas, pa lo día 8 d'agosto de 1533, Guadalajara se trobaba en o suyo segundo asiento.

La nueva ciudat fue atacada lo 28 de setiembre de 1535 per los aboríchens que heban participau en a Guerra d'o Mixtón. Cristóbal de Oñate, alavez gubernador d'a ciudat organizó una batalla contra los aboríchens d'a cual resultoron victoriosos los nuevos habitants de Guadalajara. Pensoron alavez tresladar-la a la val de Atemajac, per esta val correba lo río San Juan de Dios y yera un puesto mas seguro pa estar desfendiu de cualsequier ataque d'os naturals.

Uns se tresladoron de Tlacotán a Tonalá y atros a Tetlán en an lo 9 d'octubre de 1541 se pregonó lo padrón d'os nuevos vecins. Cristóbal de Oñate, lo 5 de febrero de 1542, nombró a los integrants d'o nuevo concello que rechiría los destins d'a nueva ciudat. Finalment, lo 14 de febrero de 1542 se fundó la ciudat de Guadalajara en o puesto an actualment se troba; asentando-se, amás de Cristóbal de Oñate, 63 familias espanyolas (incluyida ta part d'alavez Portugal). S'instaló lo primer concello de l'actual Guadalajara, presidiu per lo vizcaíno Miguel d'Ibarra.

Dica lo mes d'agosto de 1542, plegoron ta o suyo destín las reyals cedulas expedidas per l'emperador Carlos I d'Aragón y V d'o Sacro Imperio Romano, en noviembre de 1539, en as cuals concedeba a Guadalajara lo titol de ciudat y escudo d'armas. Ixe mesmo mes se pregonaron totas dos cedulas en a plaza mayor d'a novel y definitiva Guadalajara.

En 1560 lo papa Paulo III autorizó establir en Guadalajara o bispau d'a Nueva Galicia, y en ixe mesmo anyo l'audiencia d'o reino estió tresladada tamién ta ixa ciudat, que per la epoca abrigaba a uns 500 espanyols, a senglos esclaus negros y unas 2200 familias indichenas espardidas en una aria de cinco km arredol d'os primers inicios d'a Seu.

Lo 18 de noviembre de 1791, se disposó la fundación d'a Universidat de Guadalajara en a ciudat d'o mesmo nombre, capital d'o Nuevo Reino de Galicia. La devantadera d'este centro cultural estió lo 3 de noviembre de 1792, tenendo como siede lo excolegio de Santo Tomás.

Pa la guerra d'Independencia, Guadalajara tenió un papel important, ya que estió en esta ciudat an lo mosen Miguel Hidalgo y Costiella, declaró l'abolición d'a esclavitut. Estió tamién aquí an publicó lo periodico El Despertador Americano an publicaba las suyas ideyas. En as cercanías d'o puesto, en o puent de Calderón, se desembolicó la batalla an estioron vencius los insurchents. Guadalajara tamién estió testigo d'a muerte d'o insurchent José Antonio “L'Amo Torres”, qui aduyó a Hidalgo a prener la ciudat. En rematar la guerra d'independencia, y con a proclamación d'estau libre y soberano de Jalisco, Guadalajara se convirtió en a capital d'o estau.

Periodo postrevolucionario[editar | modificar o codigo]

Lo Porfiriato heba rematau y estallaba la revolución mexicana. Ta par d'alavez en Guadalajara reinaba la calma aparent (ya que lo conflicto se concentraba en a capital). Dimpués d'o conflicto cristero, la paz tornó ta Guadalajara. Entre un largo periodo la ciudat florió y que prencipió a creixer dende la colonia, naixeban asinas los nuevos conceptos arquitectonicos que decorarían la ciudat con estilos dende los anyos 1920 dica los anyos de 1980.

Sieglo XX[editar | modificar o codigo]

Guadalajara creixió acceleradament dica ocupar un puesto como metropoli mexicana industrial, turistica y de servicios y como la segunda economía en Mexico dimpués d'a Ciudat de Mexico. Con a Revolución de 1910, Guadalajara pasó a estar la segunda ciudat mas poblada d'o país, pero entre los decenios siguients sobrevinieron guerras de caracter rechional, en os estaus de Jalisco, Michoacán y Guanajuato. Igualment, las secuelas d'o crac d'o 29 repercutieron muito mas de lo deseyau. Lo decenio de 1940 estioron de tranquilidat social y politica, y de creiximiento marcau en o comercio, la industria y la demografía.

Entre cada periodo gubernamental, la ciudat pasó per plans estructurals con os cuals naixioron nuevas zonas y nuclios comercials y con os cuals interpresas transnacionals y industrias internacionals plegoron a la ciudat. La ciudat prencipió a expandir-se dica trobar la unión territorial con o municipio de Zapopan. Entre los desemboliques creyaus entre este periodo se contan la Expo Guadalajara, lo tren lichero, la expansión de carreras y avenidas.[4]

Cheografía[editar | modificar o codigo]

La ciudat de Guadalajara se troba en o Estau de Jalisco y s'asienta en a val d'Atemajac, que en náhuatl significa puesto an l'augua se bifurca, en o Eixe Neovulcanico. Tiene una altaria promeyo de 1570 msnm, en a suya mayoría son lomas baixas, que lo suyo punto mas alto ye lo cerro del Cuatro ( 20°36′3.97″N 103°21′47.52″U). Lo municipio conta con o río San Juan de Dios, que se troba entubado, a lo norte con o río Santiago y l'arroyo Atemajac y a lo sud d'o municipio se troban los manantials de l'Agua Azul. Lo municipio de Guadalajara ye lo mas poblau en o estau de Jalisco, la suya extensión territorial ye de 187,91 km² (municipio), y de mas de 850 km² en aglomeración. Lo goso ye d'orichen vulcanico y d'o periodo Cuaternario y Terciario d'a Era Cenozoica, d'uso urbano en a suya mayoría. L'actividat sismica ye de moderada a intensa y l'actividat volcanica se reduz a lo vulcán de la Primavera, en a sierra Primavera

Recursos naturals[editar | modificar o codigo]

La riqueza natural de Guadalajara ye representada per o Bosque de la Primavera, Los Colomos, y la Barranca de Huentitán. La flora se destaca per pins michoacanos, diferents especies de caixicos, liquidámbar, fraixins, sauces; y arbols introducius como tabachins, jacarandas y ficus, amás de orquídias, rosas y cuantas especies de fongos. La fauna se reduz a la tipica fauna urbana, amás de 106 especies de mamifers, 19 especies de reptils y seis especies de peixes.[5]

La Barranca de Huentitán (tamién conoixida como Barranca de Oblatos) se localiza a lo norte d'o municipio de Guadalajara. Mide aproximadament 1.136 hectarias y tiene una fondaria promeyo de 600 metros de diferencia. La diferencia en altaria d'a curva de livel mas alta (1520 msnm) y la mas baixa (1000 msnm) ye de 520 metros en o punto d'o riel d'o fonicular. Este canyón ye nombrau tamién como Oblatos-Huentitán a causa que trascruza 2 arias d'a ciudat clamadas Oblatos y Huentitán respectivament.

La chorrota d'a "Cola de Caballo" ye ubicada en a carretera Guadalajara a Zacatecas (km 15) a uns pocos kilometros d'o Periferico norte chusto dimpués de pasar lo poblau de Santo Esteban. La chorrota ye formada per una corrient proveniente d'a val d'Atemajac pero agora, per estar tan amán de Guadalajara y d'una colonia con muito poco desembolique, se troba muito contaminada.

Bosque urbano u bosque de Colomos, an se troba lo chardín chaponés, ubicau en a parte nordueste de Guadalajara. Estió una d'as prencipals fuents de fornimiento d'a ciudat, y en l'actualidat sigue brindando ixe vital liquido a cualques colonias mugants. Actualment, esta selva conta con 92 hectarias de masa forestal en a cual destacan los pinos, eucaliptos y cedros. Poseye variaus atractivos como: estanques, arias de chuegos infantils y de campamento.

Urbanismo[editar | modificar o codigo]

Trazau urbano[editar | modificar o codigo]

La traza urbana dentro d'o municipio de Guadalajara puede considerar-se variada, ya que dentro d'él se sitúan cuantas formas de carreras, avenidas, colonias y fraccionamientos que tienen diferents trazos como lo ortogonal, ye decir, con linias horizontals y verticals que se cruceyan, y irregular, ye decir, carreras y avenidas sin sentiu, pero en cheneral podemos decir que Guadalajara conta con una traza d'estrela, que son cinco salidas, con cuantos aniellos vials a lo suyo arredol y cruciando en éls.

A l'inicio de Guadalajara, esta contaba con una traza ortogonal, ye decir, con linias horizontals y verticals que se cruceyan, manimenos a lo paso d'os anyos y en ir creixendo enta lo río San Juan de Dios, esta traza s'inclinó encara que se siguió con a mesma tendencia, a diferencia d'o costau norte, ueste y sud, an se siguioron las mesmas linias de carreras.

Esto cambiaría cuan s'introdució lo ferrocarril en Guadalajara en 1888, ya que en o sieglo XX en urbanizar-se o sud, sufrió unatra inclinación, se da lo mesmo caso que en San Juan de Dios. Con o paso d'o tiempo y la adchuntación de lugars, en primeras Analco, Mexicaltzingo, Mezquitan y San Juan de Dios, y posteriorment han feito que Guadalajara tienga una variada traza, a esto se suma lo suyo creiximiento accelerau en o sieglo XX, lo que cheneró la traza mencionada en o primer paragrafo.

Entre lo gubierno de José de Jesús González Gallo, entre 1947 y 1953, Guadalajara estió obchecto de grans obras publicas que cambioron en parte lo paisache urbano d'o centro historico d'a urbe.

Destacan las enamplacions d'as avenidas Alcalde-16 de setiembre y Juárez, mesmas que ya no yeran suficients pa lo creixent numero d'automobils que, día a día, circulaban per lo centro d'a ciudat. Asinas pues, pa agrandir las avenidas estió menester espaldar edificios y emparellar lo trazo d'a carrera. Aquellas demolicions no han deixau de chenerar controversia, pus, encara que se procuró modernizar y achilizar a lo centro de Guadalajara, no deixa d'estar penible la perda irreparable de muitas construccions antigas con valor arquitectonica y historico.

Belatros edificios d'a redolada d'a seu de Guadalajara fuoron espaldaus con o proposito de deixar grans espacios ubiertos en os cuatro costaus d'a siede episcopal, dando forma a una gran cruz latina en que lo suyo centro sobresale la Seu.

La Cruz de Plazas se conformó a partir d'a ya existent "plaza de Armas", en o costau sud d'a ilesia. En este espacio no estioron necesarias las demolicions. En cambio, a lo frent d'a frontera prencipal d'a seu sí estió necesario ubrir lo espacio pa la "plaza del Ayuntamiento" (posteriorment conoixida como "plaza de la Fundación", "plaza de los Laureles" y "plaza Guadalajara", succesivament). Igualment, a lo norte, una antiga ilesia d'o sieglo XVII fue reemplazada per la "plaza de la Rotonda de los Hombres Ilustres" (mausoleu en o cual son depositaus las restas de jaliscienses destacaus). Finalment, pa completar la cruz en a suya parte mas larga, fuoron estricalladas per completo las antigas mansions que ocupaban las dos mazanas entre la frontera posterior d'a seu y la frontera frontal d'o Teatro Degollado, dando puesto a la "plaza de la Liberación" (clamada tamién "plaza de los Tres Poderes", y millor conoixida como "plaza de las Dos Copas").[6]

En a suya anglucia per fer de Guadalajara una ciudat sustentable s'ha construyiu lo corredor Mexico (MINCHA) dende l'avenida López Mateos dica Juan Palomar y Arias, con a intención d'enamplar la infrastructura d'a ciclovía per l'avenida de Mexico con 1,8 km y l'amilloramiento y repolimiento con chardins y lo establimiento d'un punto limpio.[7]

Avenidas y carreras importants[editar | modificar o codigo]

Existen actualment 17.200 carreras y avenidas, muitas d'as cuals s'han iu trazando seguntes la necesidat d'a población; cualques carreras deixan de funcionar como tals pa convertir-se en avenidas, expandindo lo suyo trazau vial. Las modificacions, las reparacions y las composituras las fa o gubierno municipal de Guadalajara.

Colonias[editar | modificar o codigo]

Guadalajara ye conformada per mas de 2300 colonias en as cuals s'extiende la Zona Metropolitana, lo primer cuadro d'a ciudat lo conforman casas en a suya mayoría de mas de 2 livels con estilos arquitectonicos que van dende lo churrigueresco, barroco y estilos europeus d'o sieglo XIX, lo primer cuadro d'a ciudat lo conforman las zonas centricas y la suya redolada, como lo barrio d'o Santuario, Mezquitan, Analco, San Juan de Dios y la Colonia Centro.

Enta lo poniente d'o primer cuadro prencipian a devantar-se las casonas d'o sieglo XIX, residencia de distinguius personaches en a historia d'a ciudat, estructuras neoclasicas y casonas d'o Porfiriato, este cuadro lo conforman colonias como Lafayette, Americana, Moderna, Arcos Vallarta, en as cuals las suyas respectivas expansions corresponden a construccions d'os anyos 1920, 1930, 1940 y 1950. A la suya redolada Guadalajara s'expande en un segundo cuadro an la florada d'as nuevas tendencias arquitectonicas d'os anyos 1960 y 1970 deixasen lo sinyal de colonias como la Colonia Americana, Vallarta Poniente, Moderna, Providencia, Vallarta San Jorge, Chardins d'a Selva, Chapalita, etc. Entre las cuals se troban dende las linias posmodernistas, lo Art déco dica lo legado arquitectonico d'un d'os iconos mundials de l'arquitectura mexicana: Luis Barragán.

La ciudat conta con desemboliques residencials y comunidaz privadas. Estas colonias s'ubican tanto en o municipio de Guadalajara, como en o suyo municipio vecino de Zapopan y cualques en o sud d'a ciudat, en o municipio de Tlajomulco. Cualques d'estas colonias son: Colinas de San Javier, Puerta de Hierro, Providencia, Chapalita, Jardines de San Ignacio, Ciudad del Sol, Valle Real, Lomas del Valle, Santa Rita, Monraz, Santa Anita Club de Golf, El Cielo, Santa Isabel, Virreyes, Bugambilias, Las Cañadas, La Estancia, etc.

Las mugas d'a ciudat son conformadas en a suya mayoría per colonias de clase meya y conchuntos habitacionals desembolicaus como parte de plans gubernamentals. Lo ponient d'a ciudat, ye en conchunto l'aria que representa l'indiz economico mas elevau, mientres que l'orient muestra un livel mas baixo. La ciudat s'estendilla enta lo ponient en colonias como Pinar de la Calma, Las Fuentes, Paseos del Sol, El Colli Urbano, La Estancia, anexando la suya zona metropolitana a lo municipio de Zapopan; mientres que enta l'orient lo fa en colonias como San Juan Bosco, San Andrés, Oblatos, San Onofre, Insurgentes, Jardines de la Paz, Jardín de los Poetas, per mencionar-ne belunas.

Educación[editar | modificar o codigo]

La educación en esta ciudat ye un factor prencipal pa lo desembolique, ya que en contar con distintas universidaz con prestigio internacional la educación s'ha convertiu en un d'os sectors economicos mas activos en atrayer inversión asinas como chenerar desembolique economico y profesionals competitivos pa desenvolver-se en campos demandaus tanto en a urbe como en a mesma nación.

Guadalachara conta con a tercera universidat mas antiga en Mexico, la que conta con o mayor numero de población estudiantil en o país (dezaga d'a Universidat Nacional Autonoma de Mexico), la Universidat de Guadalachara, asinas como con a primera universidat privada de Mexico; la Universidat Autonoma de Guadalachara (UAG). Conta con una d'as primeras y mas prestichiadas universidaz jesuitas d'a nación: lo ITESO, y ye la segunda siede d'a Universidat Panamericana en Mexico. Guadalachara tamién ye la siede d'o Centro d'Ensenyanza Tecnica Industrial (CETI) institución d'educación superior que estió fundada con l'emparo d'UNESCO en 1968 como parte d'o prochecto MEX-20, actualment la sola institución que remaneix d'o sistema CENETI-CERETI a livel nacional. La ciudat alberga universidaz y preparatorias maristas como la Universidat Marista de Guadalachara (dinantes Universidat La Salle - Guadalachara), y universidaz privadas en periodismo y comunicación como la universidat UNIVA. Alberga un d'os campus d'o ITESM y tres campus d'a UVM distribuyius en a ZMG.

Tamién conta con universidaz que tienen convenios con interpresas privadas en as cuals cursan los suyos zaguers semestres como la Universidat Tecnolochica de Jalisco (UTJ) qui tienen un convenio con a interpresa Tracsa y Tec Milenio la universidat d'o ITESM qui tienen un convenio con a interpresa Baraz.

La ciudat ye reconoixida per lo prestigio academico internacional en medicina, dreito, administración d'interpresas, biolochía, arte, arquitectura y disenyo, tamién ye la sola ciudat en contar con licenciaturas como disenyo Urbano (urbanistica), Orientación en Ciencias Computacionals y Didactica de luengas.

Las cifras d'educación en o municipio s'han manteniu en ascenso dende 1980, en l'anyo 2000 en o municipio los alfabetas representaban lo 96,83% d'a población, que son 1.110.372 habitants y los analfabetas yeran lo 3,08% d'a población, 35.306 habitants. En o desembolique d'a ciudat de 1950 a l'anyo 2000 la población alfabeta augmentó un 16,7% y la población analfabeta baixó un 16,7% de forma sincronizada con a población alfabeta.

Universidaz

Plantilla:AP

Existen cuantas universidaz y centros d'investigación, tanto privaus como publicos, que fan de Guadalachara una ciudat que atraiga estudiants de l'interior d'o país y de l'exterior d'o país. Se consideran Universidaz dentro de Guadalachara, no tanto perque se sitúen en o municipio de Guadalachara, si no per estar distribuyidas dentro d'a Tot Zona metropolitana de Guadalachara. Esto con a finalidat de distribuyir la obridura a los habitants de dita zona.

La Universidat de Guadalachara ye la maxima casa de estudios de Jalisco. Asinas tamién ye la millor universidat publica estatal d'o país y una d'as 6 millors universidaz de Mexico.

Cultura[editar | modificar o codigo]

La ofierta cultural que se vive actualment en Guadalachara ye un d'os mas amplios en o hemisferio. La ciudat conta con una d'as achendas culturals mas vastas en o continente, a lo cual se suma l'interés d'o gubierno, d'a Universidat de Guadalachara y d'institucions privadas, pa subrayar los atributos culturals d'a ciudat y lo Estau de Jalisco. En a ciudat se exhiben obras d'artistas internacionals y ye un escaparate obligau pa los eventos culturals internacionals que lo suyo rayo d'influencia aconsigue la mayoría d'os países d'Hispanoamérica, incluyiu lo sudueste d'os Estaus Unius.

En a ciudat se dan grans festivals de diversos temas con reconoixencia y aconsiga internacional, per mencionar los mas conoixius:

  • Festival Cultural de Mayo.
  • Feria Internacional d'o Libro de Guadalachara,[8] Esta feria se realiza cada anyo, gracias a los auspicios d'a Universidat de Guadalachara, entre la zaguera semana de noviembre. Incluye una gran exposición d'editorials consolidadas, independients, universitarias, nacionals, internacionals; se presentan libros y conferencias; conta con una aria especial pa ninos y chóvens; ye muito significativa per fer gala entre los diez días que dura la feria a un país (u rechión, u comunidat) convidau, a la cual se le dedica un pabellón pa exposar lo mas representativo d'a suya cultura. En a FIL, como popularment se le conoixe, s'entregan diversos premios, lo mas representativo ye lo Premio de Literatura Latinoamericana y d'o Caribe (anteriorment denominau “Juan Rulfo”, en honor a este autor jalisciense).
  • Las fiestas d'octubre: Son las fiestas tradicionals de Guadalachara, s'han realizau dende 1965 estando la primera siede lo Parque Augua Azul y anyos dimpués cambiaría de siede a lo auditorio Benito Juárez que ye an actualment se realiza esta celebración. Las suyas mayors atraccions son los chuegos mecanicos, lo palenque y lo auditorio an cuantos artistas, sobre tot de mosica mexicana se presentan cada nueit entre esta celebración d'as fiestas d'octubre.
  • Lo Festín d'os Monyacos (Festival Internacional de Títeres de Guadalachara).
  • La Trobada Internacional de Mariachi y Charrería. Como lo diz lo suyo nombre se reunen diversos mariachis de diversas partes d'o mundo. Asinas como tamién los charros que provienen de diversas partes pa contrimostrar lo esporte nacional de Mexico. Encieta con un desfile y a lo largo d'os días los eventos se realizan en diversos escenarios en tota la ciudat. Se celebra entre los meses d'agosto y setiembre.
  • Expo Ganadera.Ye la mas gran y important en o suyo tipo en o país.Se realiza cheneralment entre lo mes de octubte
  • Lo Festival Internacional de Cine de Guadalachara (conoixiu como Guadalachara Film Fest). Con mas de vinte anyos de trayectoria, lo FICG ye l'evento mas important en Mexico per lo que fa a cine se refiere, lo cual incluye una exhibición de cintas, una trobada con realizadores y actors (talent campus), y lo concurso de realizacions que se premian en cuantas categorías: cortometraje iberoamericano y mexicano, documental mexicano y latinoamericán, largometraje de ficción entre las cuals destaca lo “Mayahuel” en a cual se premia una trayectoria.
  • Lo Festival Internacional de Danza Contemporania “Onésimo González”. Surtió dende 1999 organizau per la Secretaría de Cultura d'o Gubierno d'o Estau de Jalisco y la Coordinación Nacional de Danza d'o INBA. Habendo en este muestras coreográficas d'os grupos de danza mas destacaus d'o estau de Jalisco, con cualques companyías convidadas, Nacionals y Internacionals; promovendo asinas l'intercambio cultural dentro de Guadalachara, ofrindo a lo mesmo tiempo clases machistrals ubiertas a lo publico pa enriquir lo luengache dancístico en este estau. Presentando-se cada octubre, en o Foro d'Arte y Cultura d'esta ciudat.
  • Expo-Feria Amistat Internacional. Esta ciudat ha estau la cuna y albergue de distinguius poetas, escritors, pintors, actors, cineastas y representants de l'arte a livel internacional. Una obra que da cuenta d'a riqueza d'os poetas d'esta ciudat ye lo libro Poesía mayor en Guadalachara (anotacions poeticas y criticas).

Lo suyo centro historico alberga edificios colonials de caracter relichioso y civil, los cuals constituyen una mescla d'estilos que la suya radiz se troba en aportacions culturals indichenas (prencipalment d'orichen ute), incorporadas a lo mozarabe y lo castizo, y posteriorment en influencias europeas modernas (prencipalment francesas y italianas). Igualment, lo centro historico poseye una excelent infrastructura de museos, teatros, galerías, bibliotecas, auditorios y salas de conciertos. Beluns d'estes edificios datan d'o sieglo XVI y XVII, como la Seu de l'archidiocesi de Guadalachara, entre atros.

Per lo que fa a meyos de comunicación, la ciudat tiene cuantas emisoras de radio enfocadas a la cultura, estando Ret Radio Universidat de Guadalachara una d'as mas importants y la que se transmite a la resta d'o estau y estaus colindantes y internacionalment a traviés d'internet; tamién ye la primera emisora vía Pod Cast en o país,[9] la ciudat produz d'igual forma una canal totalment cultural; C7 dedicau a l'emparo, difusión, y entretenimiento cultural y transmitiu en televisión ubierta, estando Guadalachara la sola ciudat en producir una canal de corte cultural en o país amás d'a Ciudat de Mexico.

Guadalachara ha estau la primera ciudat mexicana en estar acceptada como miembro d'a Asociación Internacional de Ciudaz Educadoras[10][11] a causa d'o fuerte caracter y identidat que poseye, potencials pa lo desembolique economico a traviés d'a cultura.

Tamién, ye la ciudat que prencipió lo movimiento de Bookcrossing en Latinoamérica,[12][13] asinas mesmo estió nombrada Capital Americana d'a Cultura en 2005.

Arquitectura[editar | modificar o codigo]

Las formas arquitectonicas d'a colonia son producto de corrients arquitectonicas francesas y espanyolas. Entre lo Porfiriato lo estilo francés invadió la ciudat a causa d'a pasión de l'alavez president Porfirio Díaz per las corrients d'estilo francés. Arquitectos italianos estioron los encargaus de dar forma a las estructuras goticas que se devantan en a ciudat. Lo paso d'o tiempo deixó plasmadas diversas corrients que pasan dende lo barroco, a lo churrigueresco, neogotico y lo neoclasico. Dica las linias arquitectonicas propias d'o art déco y las linias audaces d'os arquitectos posmodernistas. L'arquitectura moderna de Guadalachara tiene numeros figuras d'una producción arquitectonica diversa dende lo neo rechionalismo dica lo brutalismo d'os anyos setentas.

Centro historico[editar | modificar o codigo]

Plantilla:AP

Lo centro historico alberga edificios colonials de caracter relichioso y civil, los cuals constituyen una mescla d'estilos que la suya radiz se troba en aportacions culturals indichenas (prencipalment d'orichen ute), incorporadas a lo mozarabe y lo castizo, y posteriorment en influencias europeas modernas (prencipalment francesas y italianas) y americanas (concretament, las procedents d'Estaus Unius). Se pueden apreciar eixemplos de arquitectura neoclasica prencipiando con a Seu, lo Teatro Degollau y edificios a la redolada. Igualment conta con museos, teatros, galerías, bibliotecas, auditorios y salas de conciertos. Mención particular se puede fer d'o Teatro Galerías, lo Teatro Diana y lo Hospicio Cabanas, en o cual se alberga parte d'a obra pictorica (murals y de caballete) de José Clemente Orozco, estió declarau Patrimonio d'a Humanidat per la Unesco, en 1997.

Construccions de caracter relichioso[editar | modificar o codigo]

Seu de Guadalachara
Seu de Guadalachara

Tamién clamada Seu de l'Asunción de María Santísima, ye parroquia siede d'a Archidiocesi de Guadalachara y un d'os edificios mas representativos d'a ciudat, no nomás per las suyas torres con agullas neogoticas, sino perque tiene una gran historia. cal mencionar que la seu auspicia a lo 9.º coro mas antigo d'o mundo: lo “Coro d'o colechio de infantes d'a Seu de Guadalachara”, lo cual tiene mas de 450 anyos en funcionamiento y actualment ye endrezau per lo Mtro. Aurelio Martínez Corona.

Templo Siede Internacional La Luz d'o Mundo

Se remató de construyir lo primero d'agosto de 1992, y s'ubrió a lo culto lo día 9 d'agosto d'o mesmo anyo, habendo-se encetau la suya construcción lo día 3 de chulio de 1983.

La construcción tiene aproximadament 15,500 metros cuadraus. Se devanta sobre un terreno de forma eliptica de 100 metros de longaria per 80 metros d'amplaria, ubicau en a Glorieta Central d'a colonia Fermosa Provincia. L'eixe prencipal d'o templo esta orientau con adreza oriente-poniente, ubicando-se l'ingreso prencipal enta lo poniente.

Santuario d'a nuestra Sinyora de Guadalupe

Ye un templo catolico d'estilo churrigueresco, dedicau (como lo suyo nombre lo indica) a l'advocación mariana de La nuestra Sinyora de Guadalupe. La primera piedra se colocó lo 7 de chinero de 1777 y dimpués de 4 anyos d'obras, la ilesia se fació a devantadera en 1781. La construcción estió promovida y pagada per lo filántropo espanyol y alavez Bispe d'a diocesi, Fray Antonio Alcalde.[14]

Templo Expiatorio de Guadalachara

Ye un templo catolico dedicau a lo Santismo Sacramento. Ye d'estilo neogotico y considerau la maxima obra en o suyo estilo en Mexico. La suya construcción prencipió lo 15 d'agosto de 1897 y remató 75 anyos dimpués en 1972.

Templo de Guadalachara

Ye un d'os templos construyius y operaus per La Ilesia de Jesucristo d'os Santos d'os Zaguers Días, lo numero 105 construyiu per la Ilesia y lo numero 11 de Mexico, ubicau en o municipio de Zapopan a lo nordueste d'a Zona metropolitana de Guadalachara.[15]

Esportes[editar | modificar o codigo]

La ciudat conta con dos equipos en primera división en futbol, lo Club Esportivo Guadalachara, conoixiu popularment como Chivas u lo Rabanyo Sagrau y lo Club Atlas conoixiu con as embotadas de Rojinegros d'o Atlas u Rabosas. En a Segunda División de Mexico lo Club Esportivo Oro y lo Club Leones Negros d'a Universidat de Guadalachara; en tercera división ye lo legendario Club Esportivo Nacional, y en tiempos pasaus contó con atros equipos como l'estioron lo Club Social y Esportivo Jalisco, este zaguer ya ha desapareixiu.

En béisbol, los Charros de Jalisco disputoron la Liga Mexicana de Béisbol dende 1949 dica 1952, la Liga d'a Costa d'o Pacifico dende 1952 dica 1955, nuevament la Liga Mexicana dende 1964 dica 1975, y actualment la Liga Mexicana d'o Pacifico dende 2014.

En Básquetbol, los Astros de Jalisco participan en a Liga Nacional de Baloncesto Profesional dende 2019.

Lo estau de Jalisco ye lider nacional en l'ambito esportivo olimpico, pus ha ganau 18 vegadas consecutivas la olimpiada nacional, tamién ha ganando en 9 ocasions lo mayor numero de medallas en totas las disciplinas d'as olimpiadas nacionals.[16] La ciudat de Gudalajara ha estau relevant pa estes triunfos pus lo punto d'entrenamiento pa la mayoría d'os suyos atletas son las instalacions d'o CODE en esta ciudat, estando ditas instalacions un d'os mayors recintos mundials dedicaus a la formación esportiva.[17]

En o mundo d'o golf, destaca la tapatía Lorena Ochoa qui ha estau una d'as golfistas mas chóvens que ha ganau numerosos campeonatos internacionals en a historia d'o golf nacional, aconseguindo lo primer puesto en o ranking d'o LPGA en abril de 2007, estando asinas, la millor golfista d'o mundo en o maximo circuito d'o golf.

Los Chuegos Panamericanos de 2011 se levoron a cabo en a ciudat de Guadalachara, estando esta la tercera vegada que Mexico organizó los Chuegos Panamericanos y la primera estase de Ciudat de Mexico.

Estadios y recintos esportivos[editar | modificar o codigo]

Guadalachara conta con cuantos recintos esportivos. Que s'alterna la suya función primordial pa eventos musicals, culturals.

Estadio Tres de Marzo

Se troba ubicau dentro d'as instalacions d'a Universidat Autonoma de Guadalachara. La capacidat oficial ye pa 25 000 aficionaus. Ye siede de l'equipo de futbol, Estudiants Tecos.

Estadio Tecnolochico y Olimpico

Un gimnasio pa 1500 personas con una pista de duelga pa basquetbol, 2 seccions una pa butacas y unatra de graderías, 1000 personas en butacas y 3000 en as graderías, pista de tartán y un foro atura 8000 asistents. Conta con alberca Olimpica techada con butacas pa 800 espectadors, tiene un sistema pa calentamiento de l'augua, fuesa pa clavaus con trampolín de 10, 3 y 1 metros.

Recordemos que lo Estadio Tecnolochico estió demolido per l'alavez Rector d'a U. de G. Raúl López Padilla, con a promesa de construyir un mas moderno y a la calendata ya han pasau 3 administracions y sigue lo terreno sin estadio, que se loga a circos, privando asinas que las nuevas promocions d'estudiants, practiquen en instalacions propias, esportes d'alto rendimiento en l'aria de l'atletismo.

Estadio Jalisco

Estió subsede d'os Chuegos Olimpicos de 1968, Mundial Mexico 1970, Mundial Femenil 1971, Mundial Chuvenil 1983, Mundial de Futbol 1986. La capacidat oficial ye pa 65 000 aficionaus, dito estadio ye lo mas gran en o país difuera d'a capital, y ye lo 3º mas gran de Mexico. Actualment ye casa de los equipo Atlas y d'o club U. de G. (Leones Negros).[18]

Estadio Akron

Ye l'actual casa d'o Club Esportivo Guadalachara. Este recinto ye considerau lo estadio mas moderno en Latinoamérica.Plantilla:Cita requerida Cuenta con a capacidat de 45 000 aficionaus y estió siede d'os XVI Chuegos Panamericanos y subsede d'a Copa Mundial de Futbol Sub-17 de 2011. Este estadio ye ubicau en o municipio de Zapopan, Jalisco.

Plaza de Toros Lo Centenario

Plaza de toros, ubicada en o centro d'o municipio de Tlaquepaque, con un ruedo de 33 metros. Conta con a capacidat pa aproximadament 5000 aficionaus a la fiesta brava y estió remozada en a tuya totalidat en l'anyo de 1995 estando eliminau lo callejón con que contaba anteriorment.

Plaza de Toros Nuevo Progreso

Tiene una capacidat pa 16 561 espectadors, tiene una altura de 25 metros con un ruedo de 46 metros entre barrera y barrera y un callejón de 2.5 metros d'amplo.

Autódromo Bernardo Obregón Tamariz

Tri-Óvalo de 1380 metros de longaria pa competencias d'autos tipo NASCAR. Este inmueble ye siede cada anyo d'una calendata d'o serial NASCAR Corona Series. Tiene una capacidat aproximada pa 15 000 espectadors.

Campo de Tiro con Arco

Ubicau en a Unidat Esportiva Revolución, av. Pablo Neruda 3232. Este inmueble s'utilizará pa la chusta esportiva d'os Chuegos panamericanos d'o 2011.

Complexo Panamericano de Chimnasia Artistica y Ritmica

Ubicau en a Unidat López Mateos, será utilizau pa Guadalachara 2011.

Complexo Panamericano de Voleibol de Sala

Ubicado en a Unidat esportiva Avila Camacho.

Velódromo Panamericano CODE Paradero
Vía RecreActiva

miniaturadeimagen|Rota 1 d'a Vía recreActiva Guadalachara. La Vía RecreActiva en a ciudat de Guadalachara, ye un programa social en o cual s'habilitan espacios vials pa lo suyo emplego masivo con fins recreativas y d'espardimiento per personas de totas las edaz; se pretende que lo programa opere entre cuantas horas en días domingo. Tal acción implica lo restrinchir temporalment la circulación vehicular-motorizada a lo largo d'un u mas cuerpos vials sobre vías primarias triadas, permitindo nomás lo desplazamiento a traviés de meyos no-motorizados (a piet, bicicleta, patines, etc.) dentro d'este espacio reservau.

Actualment existen tres rotas:

  • ROTA 1: Gigantes (cruce con Presa Laurel en Tetlan)-Javier Mina-Juárez-Vallarta dica La Minerva.
  • ROTA 2: Chapultepec (cruce con AV. Mexico)-Ninos Héroes-Paseo de l'Arbolera-Lo Sol-Tonantzin-Capuchinas-12 d'aviento.
  • ROTA 3: Calzada Juan Pablo II-Aquiles Serdán-Blvd Marcelino García Barragán.

Referencias[editar | modificar o codigo]

  1. (es) Delimitación de las zonas metropolitanas de México 2005. Consejo Nacional de Población
  2. (es) San Juan de dios, el Tepito tapatío. El Universal. 1 de marzo de 2014
  3. (es) 2021 Best Global Universities in Latin America. U.S.News.
  4. (es) Sistema de Tren Eléctrico Urbano
  5. (es) [https://web.archive.org/web/20140503222148/http://www.guadalajara.gob.mx/relacionesinternacionales/ubicacion.htm Relacions internacionals
  6. (es) La arquitectura testigo incorruptible de la Historia. Cruz de Plazas
  7. (es) Construyen Corredor México en Guadalajara. Centro Urbano. 6 d'octubre de 2017
  8. "Error: |títol= no especificau en emplegar {{cita web}}Plantilla:Namespace detect showall". http://www.latimes.com/entertainment/news/la-et-guadalajara7-2009dec07,0,6994116.story. 
  9. "Error: |títol= no especificau en emplegar {{cita web}}Plantilla:Namespace detect showall". http://www.radio.udg.mx/inicio.htm. 
  10. "Error: |títol= no especificau en emplegar {{cita web}}Plantilla:Namespace detect showall". http://www.bcn.es/edcities/aice/estatiques/espanyol/sec_educating.html. 
  11. "Error: |títol= no especificau en emplegar {{cita web}}Plantilla:Namespace detect showall". http://www.guadalajara.gob.mx/cdeducadora/. 
  12. "Error: |títol= no especificau en emplegar {{cita web}}Plantilla:Namespace detect showall". http://www.bookcrossing.com/articles/1742/bookcrossing-in-mexico. 
  13. "Error: |títol= no especificau en emplegar {{cita web}}Plantilla:Namespace detect showall". http://www.libroslibres.com.mx/jalisco.htm. 
  14. "Error: |títol= no especificau en emplegar {{cita web}}Plantilla:Namespace detect showall". Vive Guadalachara. http://vive.guadalajara.gob.mx/puntos/puntose.asp?which=236. Retrieved 29 de noviembre de 2009. 
  15. “Winter Quarters, Guadalachara Temples Dedicated,” Ensign, July 2001, 74-75. Zaguer acceso 23 de noviembre de 2008.
  16. "Error: |títol= no especificau en emplegar {{cita web}}Plantilla:Namespace detect showall". http://www.deporte.org.mx/eventos/on2005/paginas/base_medallas_02.asp. Retrieved 19 d'aviento de 2006. 
  17. "Error: |títol= no especificau en emplegar {{cita web}}Plantilla:Namespace detect showall". http://code.jalisco.gob.mx/index1.html. 
  18. "Error: |títol= no especificau en emplegar {{cita web}}Plantilla:Namespace detect showall". http://www.worldstadiums.com/stadium_menu/stadium_list/100000.shtml. Retrieved 19 d'aviento de 2006. 

Vinclos externos[editar | modificar o codigo]