Parafilia (filochenetica)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
En Filochenia, a parafilia (d'o griego "difuera d'o linache") ye la cualidat principal d'un grupo d'organismos que descienden d'un antipasau común, que tamién fa parte d'o grupo pero no toz os suyos descendients i son. A parafilia d'un taxon pasa cuan a un clado verdadero u grupo monofiletico se le'n saca bels miembros, por conveniencia d'a clasificación cientifica u por tradición taxonomica. L'adchectivo con que se nombra un grupo con parafilia ye parafiletico.
Contexto
[editar | modificar o codigo]A clasificación tradicional d'os organismos ye plena de taxons parafileticos, como por eixemplo as plantas pteridofitas, os invertebraus u os ponchidos. A mayoría d'istes taxons se formón en o suyo inte por simple exclusión: as pteridofitas son as plantas vasculars que no son fanerogamas, os invertebraus son toz os animals que no son vertebraus, y os ponchidos son toz os primates antropoides no hominins.
A conveniencia d'emplegar taxons parafileticos u no encara se discute. Os cientificos que son favorables gosan considerar que son grupos con una mesma orichen evolutiva y unas caracteristicas ancestrals (plesiomorfias) bien definidas. Os suyos detractors dicen, por contra, que no tienen sentiu en sacar-se-ne miembros con criterios alto u baixo arbitrarios.
En as clasificacions en as que encara se'n emplega, o que se sole fer ye marcar a naturaleza parafiletica d'o taxón escribindo lo suyo nombre entre cometas u con una (P) dezaga, por eixemplo, "Radiolaria" u Protalveolata (P). En cualques publicacions, se marcan con un asterisco dezaga d'o taxón: Reptilia*.
