Apomorfia

De Biquipedia
Ir a la navegación Ir a la búsqueda
Diferents tipos de caracters comparatos.

Una apomorfia (d'o griego "forma deseparata") ye un caracter biolochico evolutivament novedoso, derivato evolutivament d'un atro caracter que se troba present en un taxon ancestral filocheneticament prosimo. L'apomorfia ye lo caracter contraposato a la plesiomorfia, que fa referencia a lo caracter más antigo, de lo qual dimana l'apomorfia.

A diferenciación entre apomorfia y plesiomorfia no puede estar absoluta, y pende en gran mesura d'es libels hierarquicos entre os que se faiga la comparanza. Por eixemplo:

  • Si se contimpara lo taxon d'es mamiferos contraposando-lo con o conchunto d'os tetrapodos, o ueso d'o martiello de l'oído diferenciato d'estes ye una apomorfia. Por contra, si se mira lo cartilago articular d'es amfibios, ye la plesiomorfia que corresponde a ixa apomorfia, porque o martiello ye una evolución d'ixe cartilago.
  • Si consideramos os animals como cochunto, a columna vertebral ye una apomorfia que caracteriza concretament a os vertebratos. Manimenos, si lo que queremos fer ye caracterizar a posesión de columna vertebral en un paixaro en comparanza con tot lo taxon d'es vertebratos, alavetz a columna ye un caracter plesiomorfico porque ya se troba en os antipasatos vertebratos d'ixe paixaro y tamién en totz os descendients no-paixaros d'ixes antipasatos.

Sinapomorfias y autapomorfias[editar | editar código]

As apomorfias, como caracters comparativos que son, se pueden clasificar en sinapomorfias y autapomorfias en función de la suya presencia u no en dieferents grupos d'organismos emparentatos. Asinas, as apomorfias son:

  • Sinapomorfias, quan se troban en dos u más clados d'organismos emparentatos (y no pas en os suyos antipasatos comuns -plesiomorfia-).
  • Autapomorfias, quan no i son si que en un clado, y por tanto pueden prener-se como caracters diferencials d'ixe clado.

Se veiga tamién[editar | editar código]