Greta Thunberg

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Greta Thunberg
Thunberg en 2019
Información personal
Naixida o:	3 de chinero de 2003
Naixida de:	Estocolmo (Suecia)
Ocupación:	Activista meyo ambiental
Obras:	No One is Too Small to Make a Difference

Greta Thunberg (3 de chinero de 2003 de Estocolmo, Suecia) ye una estudiant sueca qui a aconseguiu atrayer l'atención d'a opinión publica mundial sobre o calentamiento global a traviés d'o suyo activismo meyo ambiental.

Biografía

O 20 d'agosto de 2018, con una edat de 15 anyos y en solitario, prencipió una vaga en a escuela pa manifestar-se debant d'a seu d'o parlamento sueco portiando un panel que deciba "vaga escolar per o clima" (en sueco "Skolstrejk för klimatet").

Amoniquet estió atrayendo l'atención d'os meyos de comunicación y atros estudiants s'unioron a ella. En aviento de 2018 ya yeran mas de 20,000 estudiants que iban a la vaga en 270 ciudaz de toz o mundo. En chinero de 2019 charró debant d'o Foro de Davos a lo cual plegó dimpués d'un viache de 32 horas de tren pa minimizar lo suyo impauto ecolochico. O 21 de febrero de 2019 charró debant d'a Comisión Europea. En marzo de 2019 visitó Berlín y charró debant de 25,000 personas amán d'a Puerta de Brandemburgo. En abril de 2019 charró en o Parlamento Europeu en Estrasburgo.

Premios


Nombre	Organizazión	País	Calendata
Swedish woman of the year	Swedish Women's Educational Association (SWEA)	Suecia	marzo 2019
Goldene Kamera	Funke Mediengruppe	Alemanya	marzo 2019
Fritt Ords Prize	Fritt Ord Fundation	Noruega	abril 2019
Premio Nobel d'a Paz	Academia Sueca	Suecia	Nominada
Ambassador of Conscience Award	Amnesty International	Reino Uniu	chunio 2019
Geddes Environment Medal	Royal Scottish Geographical Society	Reino Uniu	chulio 2019

Greta Thunberg ha estau portiada d'a revista Time en mayo 2019 que amás la ha nombrau como una d'as cient personas mas influyents de 2019. Tamién ha estau nombrada doctor honoris causa per a universidat de Mont, Belchica.

Obras

(en) "No One Is Too Small to Make a Difference", 2019, ISBN 978-0-14-199174-0

Datos: Q56434717
Multimedia: Greta Thunberg / Q56434717