George Cocci

De Biquipedia
Ir a la navegación Ir a la búsqueda
Primer edición de l'Amadís de Gaula de Garci Rodríguez de Montalvo, imprentau en Zaragoza por George Cocci en 1508.

George Cocci (feneixiu en 1546) estió un impresor alemán radicau en Zaragoza y activo en a primer metat d'o sieglo XVI. Estió propietario d'una d primeras y más importants d'Aragón y d'Espanya en ixas envueltas.

S'asoció con os tamién alemáns Leonardo Hutz y Luppo Appenteger ta imprentar antes de 1503 un Breviarium Romanum. Ixa anyada, George Cocci de conchunta con Leonardo Hutz imprentoron o Breviario de Valencia y ya en 1504, Cocci pasó a treballar como o solo propietario d'a imprenta. En ixa imprenta zaragozana salió a la luz en 1508 a primer edición de Los cuatro libros del virtuoso caballero Amadís de Gaula, refundida y escrita en o su suyo zaguer libro por Garci Rodríguez de Montalvo, libro de caballerías que sería reimprentau buena cosa de vegatas entre o sieglo XVI.

Destacó tamién por a suya fayena como editor d'a obra de l'humanista alcanyizano y medico Juan Sobrarias, un d'os prencipals empentadors d'o renaixencia d'a cultura clásica en Aragón y excelent poeta neolatín.

As suyas publicacions impresas, de gran calidat, fan arredol de trescientos libros. A ormino feba servir en as suyas estampacions un tintau bicolor royo y negro, con una abundant presencia de gravaus. As suyas Décadas de Tito Livio se consideró por beluns como o impreso más poliu d'o sieglo XVI.

Cocci yera muit amigo con o escultor valencián afincau en Zaragoza Damián Forment. A traviés d'iste impresor, Forment podió conoixer a obra d'o pintor Durero que dimpués li sirvió como fuent d'inspiración ta fer as trazas de bells retablos.[1]

Ediciones impresas por George Cocci[editar | editar código]

Referencias[editar | editar código]

  1. Carmen Morte García. Damián Forment y el Renacimiento en Aragón. Cuadernos de Arte Español. Historia 16. ISBN 84-7679-199-2

Bibliografía[editar | editar código]

Vinclos externos[editar | editar código]