Lucio Marineo Sículo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lucio Marineo Sículo

Cronista d'o Reino d'Aragón
? – ?
Precediu por	?
Succediu por	?

Naiximiento	1460 Vizzìni (Reino de Sicilia)
Muerte	1533 Valladolit

Lucio Marineo Sículo (en siciliano Luciu Marineu Sìculu, Vizzìni, Reino de Sicilia 1460 - Valladolit, 1533) estió un historiador seciliano y cronista d'o Reino d'Aragón.

Biografía

Naixiu de Vizzìni (Reino de Sicilia) en 1460, estió mayestro de luenga y literatura griega en Palermo. Dimpués se tresladó ta Castiella, a on dió clases mientres doce anyos en a Universidat de Salamanca.

Mientres a suya estada en a peninsula, o rei Ferrando o Catolico le gritó a la suya a Cort, nombrando-le capellán y cronista.

Amás d'ocupar iste cargo tamién educó en o italianismo tipico d'o Renaiximiento a os fillos d'os nobles aragoneses.

José Vargas Ponce escribió en o sieglo XVIII una Vida de Lucio Marineo Sículo dica fa poco inedita y que hue ha siu rescatada y editada por Fernando Durán y María del Carmen Ramos Santana.

Obra

Destaca entre a suya obra como cronista o De laudibus Hispaniae Libri VII, publicau en Burgos en 1496, primera versión d'a posterior De rebus Hispaniae memorabilibus Libri XXV (Alcalá de Henares, 1530) y "De Aragoniae regibus et forum rebus gestis", que fue editada en cinco tomos en Zaragoza en 1509, y d'a que dimpués se quitó una parte adedicada a la diarquía aragonesa-castellana con o títol de "Sumario de la vida de los Reyes Católicos, don Fernando y doña Isabel" impresa en Madrit en l'anyo 1587.

Antiparti publicó en 1530 "Opus de rebus Hispaniae memoralibus" una replega d'estudeos historicos y biograficos que liga y completa bels d'os suyos treballos anteriors. Tamién ye autor d'un amplo epistolario en latín humanistico (Epistolarum familiarum libri XVII).

Publicacions

"De Hispaniae laudibus" (ca. 1497). Burgos: Fridericus Biel de Basilea, c. 1497.
"Opus de rebus Hispaniae memorabilibus modo castigatum atq[ue] Caesareae maistatis iussu in lucem editum" (1530). Impressum Compluti: per Michaelem de Eguia.
"Obra compuesta por Lucio Marineo Sículo coronista d[e] sus Majestades de las cosas memorables de España" (1539). Alcala de Henares en casa de Iuan de Brocar.
"Sumario de la clarissima vida, y heroycos hechos de los Catolicos Reyes Don Fernado y doña Ysabel" sacado de la obra grande de las cosas memorables de España compuesto por Lucio Marineo Sículo [sic] (1587). En Madrid en casa de la biuda de Aloso Gomez y a su costa impresso.

Bibliografía

(es) De las cosas memorables de España. Valdemorillo, Madrid: La Hoja del Monte, 2004, ISBN 84-609-3565-5
(es) Pandit Aragoniae veterum primordia regum hocopus et forti..., Zaragoza, Jorge Coci, 1509. Archivo djvu.

Vinclos externos

(es) Lucio Marineo Sículo

Datos: Q4896779
Multimedia: Lucio Marineo Siculo / Q4896779