Galitzia Oriental

De Biquipedia
Ir a la navegación Ir a la búsqueda
Mapa de Ucraina on se puet localizar Galitzia oriental

Galitzia Oriental ye una rechión historica situata en o cabo occidental d'Ucraína, con capital en Lviv. Ha perteneixito historicament a Polonia y Austria y os polacos formaban una parte important d'a suya población dica a ocupación sovietica que siguió a la Segunda Guerra Mundial.

Historia[editar | editar código]

Galitzia y Volinia en a Polonia d'entreguerras

En a historia d'Ucraína, Galitzia Oriental ocupa un puesto important. O prencipato de Halicz, (d'on vien o nombre de Galitzia) estió refuchio d'una part d'a elite de Kiev (clerigos, hombres de letras y comerciants) dimpués d'a invasión mongola.

Os polacos l'anexionoron baixo o nombre de Rusia Roya, y Lviv en yera a capital. Por o primer reparto de Polonia (1772) Galitzia pasó a Austria. O movimiento nacionalista ucrainés se desembolicó en o sieglo XIX baixo os autriacos en uns tiempos en os que en o Imperio Ruso esto yera imposible.

En 1914 i habió una ocupación rusa temporal en a que as manifestacions de cultura ucraniana fuoron reprimitas (os rusos veyeban en Galitzia Oriental o "Piamont d'Ucraína"). Prohibioron os periodicos, zarroron escuelas y deportoron ta Rusia a lo metropolitán greco-catolico.

En o periodo d'entreguerras tornó a fer parte de Polonia, pero fue adhibita a la URSS en 1939 y dimpués a lo Generalgouvernement en 1941, pa dimpués ser reocupata por os sovieticos. En 1946 se produció a represión Stalinista y a prohibición d'a ilesia uniata.


Flag of Ukraine.svg Rechions historicas d'Ucraína Flag of Ukraine.svg
Val d'o río San | Bucovina d'o norte | Buchac | Cuenca d'o Don | Crimea | Chelm | Galitzia Oriental | Kubán | Polesia | Podlasia | Podolia | Sloboda Ucraina | Transcarpatia | Volinia | Yedisán | Zaporizhia