Francisco Loscos y Bernal

De Biquipedia
Ir a la navegación Ir a la búsqueda
Francisco Loscos y Bernal
Información personal
Calendata de naixencia 1823
Puesto de naixencia Flag of Aragon.svg Sant Per de Calanda (Baixo Martín, Aragón)
Calendata de muerte 1886
Puesto de muerte Flag of Aragon.svg Castelserás (Baixo Aragón, Aragón)
Ocupación Botanico

Francisco Loscos y Bernal (* 1823, Sant Per de Calanda, - Castelserás, 1886) ye considerato lo botanico més notable naixito d'Aragón.

Encara que la suya profesión estió la de farmaceutico y fació de farmaceutico en qualques lugars de Teruel, recorrió Aragón estudiando la suya flora. Estió colaborador y amigo de José Pardo Sastrón. Los dos redactoron en 1858 Plantas aragonesas. Serie metódica de plantas medicinales espontáneas, treballo inedito y y tresbatito.

Loscos consiguió renombre scientifico y colaboró con lo botanico alemán Heinrich Moritz Willkomm.

Por las dificultatz pa editar en Espanya, lo suyo amigo Willkomm lo aduyó a publicar en Dresde, en 1863, la suya obra Series inconfecta plantarum indigenarum Aragoniae.

Con Sastrón ensemble publicó en 1867 Serie imperfecta de las plantas aragonesas espontáneas, obra en la que consignoron las 2.624 especies dica allora trobatas en la rechión.

Mantenió una intensa correspondencia con atros botanicos espanyols y foranos y publicó lumerosos articlos scientificos. A tamas de lo suyo esfuerzo y valura no li se reconoixió lo suyo treballo en Espanya.

Loscos tamién ye autor de Tratado de Plantas de Aragón, con succesivos Suplementos, abracando diez anyos. Describió por primera vegata bellas especies de plantas, belunas levan lo nombre d'Aragón, como Erodium aragonense u Reseda aragonensis; u bien son dedicatas a botanicos de la suya epoca, como Allium pardoi, Silene campoi u Thymelaea ruizi.

Vinclos externos[editar | editar código]