Foz d'o Kawarau
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A foz d'o Kawarau (en anglés Kawarau Gorge) ye una foz situada en Otago Central, en a Isla d'o Sud de Nueva Zelanda. O río Kawarau fluye a traviés d'a foz, que se troba entre as localidaz de Queenstown y Cromwell y parti d'a Carretera Estatal 6 que tamién sigue a foz.[1]
A foz prencipia a bels 30 kilometros de Queenstown, amán d'a localidat vinicola de Gibbston y a gran formación rocosa conoixida como Nevis Bluff. Contina bels 25 kilometros antis de que o río entre en a val alta d'o río Clutha amán de l'asentamiento de Ripponvale. A suya gran importancia historica se debe a que o Kawarau estió escenario d'una gran actividat menera mientres a fiebre de l'oro d'Otago d'a decada de 1860, feito por o que encara se i troban bellas bordas d'os meners d'ixas envueltas (mas que mas perteneixients a immigrants chineses) que pueden veyer-se a cantos d'o río. As centrals hidroelectricas de Roaring Meg y os chacimientos d'oro de Goldfields Mining Centre se troban en a foz. Os vesitants encara pueden experimentar en l'actualidat como yera d'antis mas o treballo de buscar oro en o Goldfields Mining Centre.[2]
A foz destaca por a suya polideza natural y ye puesto de practica d'esportes extremos, mas que mas puenting en o puent penchau d'a foz d'o Kawarau y esportes d'augua como o kayak[3] y o hydrospeed.[4]
Debiu a un accident en 2004, doscientos litros de acido clorhidrico se vertioron a la foz, l'acido malmetió a carretera, encara que no causó danyos medioambientals.[5] Tres soldaus de l'exercito de Nueva Zelanda morioron cayendo con un vehiclo Unimog 100 m dende l'alto d'a foz enta o río, cuan feban maniobras en 2005.[6][7]
A foz ye una d'as dos arias conoixidas a on s'ha puesto trobar en o país o fongo Cerius otagensis que ye en periglo d'extinción y endemico de Nueva Zelanda.[8]
Se veiga tamién[editar | modificar o codigo]
References[editar | modificar o codigo]
- ↑ "Kawarau Gorge widening to be completed this week". New Zealand Herald. 3 de marzo de 2008. http://www.nzherald.co.nz/nz/news/article.cfm?c_id=1&objectid=10495768. Retrieved 27 de noviembre de 2008.
- ↑ "Goldfields Mining Centre". Archived from the original on 20 de chunio de 2014. https://web.archive.org/web/20140620052247/http://cromwell.org.nz/things-to-do-cromwell/activities/goldfields-mining-Centre.aspx. Retrieved 26 d'agosto de 2014.
- ↑ "Otago / Kawarau". NZRCA. http://rivers.org.nz/nz/otago/kawarau. Retrieved 27 November 2008.
- ↑ Harvey, Sarah (30 April 2008). "A Kawarau experience I don't want to repeat". Otago Daily Times. http://www.odt.co.nz/news/queenstown-lakes/4676/kawarau-experience-i-don039t-want-repeat. Retrieved 27 November 2008.
- ↑ "Kawarau Gorge acid spill 'cleans road'". New Zealand Herald. 9 d'aviento de 2004. http://www.nzherald.co.nz/nz/news/article.cfm?c_id=1&objectid=9002320. Retrieved 27 de noviembre de 2008.
- ↑ Carter, Bridget (24 February 2005). "Army truck plunges 100m into river". New Zealand Herald. http://www.nzherald.co.nz/nz/news/article.cfm?c_id=1&objectid=10112424. Retrieved 27 de noviembre de 2008.
- ↑ "Army crash victims named". New Zealand Herald. 24 February 2005. http://www.nzherald.co.nz/nz/news/article.cfm?c_id=1&objectid=10112432. Retrieved 27 de noviembre de 2008.
- ↑ (1982) Fauna of New Zealand, DSIR. ISBN 0-477-06703-4.