Femero

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un femero.

Un femer/o u femera ye un puesto a on que s'apila o fiemo ta favoreixer a putridera y a fermentación de a suya materia organica, y tamién a reducción quimica d'os acidos organicos (por l'acción d'os microrganismos) que d'unatra forma o farían masiau fuerte u dica toxico ta femar con él. L'obchectivo final d'apilar o fiemo en o femero ye conseguir un fiemo con a calidat precisa ta fertilizar a tierra.

Ocasionalment, ta os femeros tamién se volan as pelas de fruita, uesos y belatras restas organicas de l'alimentación humana, y tamién a palla u a hierba puerca d'as cuadras, o que s'achunta a la masa en putrefacción.

Anque tradicionalment os femeros tamién han arreplegau as restas de cualsiquier animal, como os cuerpos d'a fauna domestica menor muerta (gallinas, conillos, gatos, cans, etc.) en l'actualidat ye una prohibición regular en os países industrializaus y no se i puede arrullar garra animal, principalment por razons sanitarias. Os ditos cuerpos han d'estar destruius por atras vías.

Se veiga tamién

• Femalla.
• Bonya.
• Sirria.
• Cazcarria.

Referencias

• Datos: Q921955
• Multimedia: Manure / Q921955