Poligamia

De Biquipedia
Ir a la navegación Ir a la búsqueda
Países en os qualos s'autorizaba a polichinia en 2006 (en verde).

Se conoix con o nombre de poligamia (d'o griego polus, "quantos", y gamos, "matrimonio") a una traza de relación familiar u afectiva seguntes a quala una persona d'un sexo tiene a la vegata mes d'una presona de l'atro sexo fendo-ie parte d'a dita relación. Cal distinguir entre polichinia, quan a relación ye entre una presona de sexo masculín y quantas de sexo femenín, y poliandría, que ye a situación que se troba quan en a relación bi ha nomás que una presona de sexo femenín por quantas de sexo masculín. Cal parar cuenta que, encara que alto u baixo o 80% d'as sociedatz humanas que se conoixen practicaban legalment a poligamia, nomás arredol de l'1% d'ixas sociedatz poligamicas practicaban u practican a poliandría, estando a resta d'ixas sociedatz unas sociedatz de traza polichinica. Antiparte, tamién cal decir que, encara que bella sociedat en permita a suya practica, en realidat un 60-80% d'as unions familiars son de feito monogamas.

Cal tamién esferenciar a poligamia d'os matrimonios grupals, en os qualos se troba una unión formata por quantas presonas de sexo masculín y quantas presonas de sexo femenín, y tamién cal esferencia-la d'a bigamia, que ye a forma como se conoix en luengache churidico a situación en a quala una presona fa una unión cn una atra sin que, antis d'ista unión, haiga desapareixito legalment o vinclo con una atra presona.

En zaguerías, cal tamién parar cuenta que gosa emplegar-se vulgarment a palabra poligamia ta referir-se a ormino a una polichinia en sentito estricto.

Se veiga tamién[editar | editar código]