Falling Down

Falling Down
Títol	Falling Down
Póster d'a cinta.
Ficha tecnica
Dirección	Joel Schumacher
Dirección artistica	Larry Fulton
Producción	Timothy Harris Arnold Kopelson Herschel Weingrod
Disenyo de producción	Barbara Ling
Guión orichinal	Ebbe Roe Smith
Musica	James Newton Howard
Fotografía	Andrzej Bartkowiak
Montache	Paul Hirsch
Escenografía	Cricket Rowland
Vestuario	Marlene Stewart
Maquillache	Stephen Abrums Tom Lucas
Peluquería	Lynda Gurasich
Casting	Marion Dougherty
Actors	Michael Douglas Robert Duvall Barbara Hershey Rachel Ticotin Tuesday Weld Frederic Forrest Lois Smith Joey Hope Singer Michael Paul Chan Raymond J. Barry D. W. Moffett Steve Park James Keane Marlo Thomas Karina Arroyave Brent Hinkley Dedee Pfeiffer Vondie Curtis-Hall James Morrison
Color	Panavision, Technicolor
Datos y cifras
País(es)	Estaus Unius Francia Reino Uniu
Anyo	1993
Debantadera	26 de febrero de 1993 Estaus Unius
Chenero(s)	Cine de drama Cine d'intriga Cine policiaco
Durada	113 min.
Idioma(s)	Anglés Castellano Coreano
Companyías
Productora(s)	Le Studio Canal+ Regency Enterprises Alcor Films
Distribución	Warner Bros.
Estudio(s)	Warner Brothers Burbank Studios
Presupuesto	25 millons de dólars
Recauto	96 millons de dólars
Informacions en bases de datos especializadas:

Falling Down (títol orichinal en anglés, en aragonés Cayendo, enguerada en Aragón con o títol de Un día de furia) ye una cinta de cine de drama d'intriga policiaca coproducida por o cine estausunidense, lo cine francés y o cine britanico y enguerada l'anyo 1993. Ye dirichida por Joel Schumacher seguntes un guión orichinal de Ebbe Roe Smith, con una banda sonora orichinal de James Newton Howard, una dirección de fotografía d'Andrzej Bartkowiak y una producción cinematografica de Timothy Harris, Arnold Kopelson y Herschel Weingrod ta las productoras Le Studio Canal+, Regency Enterprises y Alcor Films. Fan parte de l'elenco d'a cinta, entre d'atros, os actors Michael Douglas, Robert Duvall, Barbara Hershey, Rachel Ticotin, Tuesday Weld, Frederic Forrest, Lois Smith, Joey Hope Singer, Michael Paul Chan, Raymond J. Barry, D. W. Moffett, Steve Park, James Keane, Marlo Thomas, Karina Arroyave, Brent Hinkley, Dedee Pfeiffer, Vondie Curtis-Hall y James Morrison.

William Foster treballaba en una empresa d'o sector d'a esfensa dica que lo desachustoron, encara que no ha dito cosa a su mai, con qui vive. Dende lo suyo esvurcio truca a sobén a su ex-muller, y agora ha decidiu marchar enta la casa de su ex-muller ta estar present en o cumpleanyos de su filla, encara que se li diz que no será bienveniu. Cuan se troba en un atrasco de trafico con o suyo auto, li falla l'aire condicionau de l'auto y cansau, decide albandonar l'auto en bel meyo de l'atrasco. Martin Prendergast ye un sarchento d'a Policía de Los Angeles que casualment se troba present cuan a policía de trafico retira l'auto, estando iste lo suyo zaguer día de treballo. William dentra en una botiga y se troba con un propietario no masiau agradable con él, y reacciona barallando-se con él, marchando con un bate de béisbol con o cual o propietario coreano d'a botiga l'heba agrediu. En o suyo camín enta la casa de su ex-muller, troba de contino situacions que provocan la suya reacción violenta, sin que la Policía connecte uns casos con atros, dica que lo sarchento Prendergast para cuenta que lo protagonista de toz ixos delictos ye lo mesmo.

A cinta s'ambienta en a suya epoca actual (1993) en a ciudat de Los Angeles en California, y las suyas escenas se filmoron en City of Industry, Lynwood, Los Angeles, Manhattan Beach, West Hollywood y atros puestos en California, amás d'en os Warner Brothers Burbank Studios en Burbank, tamién en California.

Se tracta d'una cinta que ha recibiu bels premios y nominacions, encara que garra d'istos premios no fa parte d'os premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 1993.
• Cintas de 1993.

Referencias

• Datos: Q289598