Euzko Alderdi Jeltzalea

Euzko Alderdi Jeltzalea Partido Nacionalista Vasco

Datos chenerals
Líder	Andoni Ortuzar
Periodo	{{{periodo}}}
Establiu	31 de chulio de 1895
Desaparición	{{{desaparición}}}
Seu	Sabin Etxea, C/ Ibáñez 16, 48001 Bilbau
Ideolochía	Nacionalismo basco, democracia cristiana, liberalismo
Colors	Verde y royo
Ambito politico
Estau	Espanya Francia
País	Euskal Herria
Comunidat autonoma	{{{ccaa}}}
Rechión	{{{rechión}}}
Coalición de	{{{coalición}}}
Afillatura europea	Partiu Democrata Europeu
Afillatura internacional	Alianza d'os Democratas
Partiu politico	{{{partiu}}}
Chovenalla	Euzko Gaztedi (EGI)
Web
Web	Pachina web oficial

L'Euzko Alderdi Jeltzalea (EAJ) u Partido Nacionalista Vasco (PNV) (en aragonés Partiu Nacionalista Basco, en idioma francés Parti Nationaliste Basque, PNB) ye un partiu politico basco fundau o 31 de chulio de 1895 por Sabino Arana.

Fue fundau con l'obchectivo d'esfensar as tesis d'Arana en pro d'a raza basca, a recuperación d'os fueros y a esfensa d'a independencia d'a "confederación basca", encara que mas tardi Ramón de la Sota lo dirichió más enta o conservadurismo rechionalista. Orichinariament o suyo radio d'acción yera amugau a Bizcaya, a o largo d'o sieglo XX s'estendilló por toz os territorios bascos (incluyindo Navarra y o País Basco d'o Norte). Paralelament, a mida que o sistema bipartidista espanyol lo permitiba, se fació un puesto en o mapa politico basco, dica convertir-se en a fuerza hechemonica, posición que mantiene en l'actualidat.

Dimpués d'haber suavizau os suyos planteyamientos inicials, ha participau de manera decisiva en o proceso autonomico basco (tanto mientres a Segunda Republica Espanyola como en a transición democratica), estando o prencipal partiu de gubierno en todas as experiencias autonomicas d'Euskadi dende a fundación d'o partiu. O partiu ha gubernau a Comunidat Autonoma Basca dende a suya creyación en 1980 excepto en o periodo entre 2009 y 2012. Dende 2013 o partiu ye dirichiu por Andoni Ortuzar Arruabarrena,^[1] y dende 2012 Iñigo Urkullu ye o lehendakari.^[2] A chovenalla de l'EAJ-PNV ye Euzko Gaztedi.