Milorcha
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A milorcha[1][2] ye un artefacto volador, emplegato per un regular como chuguet infantil, que consiste en un tarabidato sobre o cual s'estendilla un material lichero como papel, tela u plastico. O tarabidato s'achunta a un u mas d'un filos largos que o guiador afloixa abonico ta fer-la volar. En l'inte que l'aire eixerce presión sobre a suya superficie, la va puyando y movendo y ye faina d'o piloto guiar-la y privar de que caiga. Como elemento decorativo, ye costumbre d'anyadir-li betas u trozos de papel que fan de coda d'a milorcha y s'esbolligan con a fuerza de l'aire. Per a suya propia naturaleza, ye normal d'esplegar as milorchas en puestos ubiertos, an bufe un airaz, como los escampaders u as plachas.
Historia[editar | modificar o codigo]
As milorchas naixioron en l'antiga China. Se sape que ta las envueltas de l'anyo 1200 aC. se feban servir como dispositivo de sinyalización militar. Os movimientos y as colors d'as milorchas costituyiban mensaches que se comunicaban en a distancia entre estacamentos militars. En o sieglo XII, en Europa, os chiquez ya chugaban con milorchas a las que anyadiban betas ta fer-las sonar. Ye tamién d'estacar a onra feita per as milorchas como equipos de medición atmosferica. O inventor Benjamin Franklin emplegó una milorcha ta investigar os rayos y inventar o pararrayos.
Huei día, a milorcha mantién a suya popularidat entre os ninos de totas as culturas, sobre tot en os países d'Asia, y esisten numerosos concursos y festivals per tot lo mundo.
Referencias[editar | modificar o codigo]
- ↑ (an) Félix Torres Bagüés Breu replega d’o lesico de Monzón, Luenga & fablas, 14, 2010, ISSN.: 1137-8328, p.57
- ↑ (es) Gerónimo Borao y Clemente: Diccionario de voces aragonesas, precedido de una introducción filológico-histórica, 1859, ISBN 84-9761-673-1, p.269
Se veiga tamién[editar | modificar o codigo]
- Kitesurf u surf con milorcha
Miscelania[editar | modificar o codigo]
Milorcha ye tamién o nombre d'una interpresa aragonesa especializata en esportes d'aventura a l'aire libre, con seu en Benás, Balbastro, Rodellar y Alquezra.