Río Guadalop

O río Guadalop (Guadalope en castellán) ye un afluént de l'Ebro por a marguin dreita. Naxe en Billarroya de los Pinars amán d'o puerto de Sollabientos, á 2.500 metros d'altaria denzima d'o ran d'a mar, y desemboca en l'Ebro en a ziudat de Casp luego d'un recorrito d'una longaria de 160 km con un cabal meyo de 265 m³/s y una superfizie d'a suya cuenca idrografica de 3.890 km². As auguas d'o río Guadalop y os afluens suyos alimentan una importán agricultura de regano, con espezial dedicazión á o presco de Calanda. Pa regular l'augua esisten diferens entibos.

Tien como afluents o río Alcherez, o río Guadalopiello y o río Mezquín.

Nombre

Puent meyebal sobre o río Guadalop en Mirabet de la Sierra.

A cuenca idrografica d'o río Guadalop.

L'escritor musulmán Yakut, d'os sieglos XII y XIII menziona un termino agricola (nahiya) de l'aria de Zaragoza como Wadi al Lawh. Puet interpretar-se como río d'os lupos u de as tablas. Tamién s'ha interpretato lo nombre a partir de l'antroponimo Lop, d'orichen romanico. Tamién i ha puesto influir la zelebridat d'o Rei Lop en a formazión d'o nombre, por analochía, (a zona d'este río la yeran ocupando os cristians en a suya epoca).

Os musulmans andalusins no clamaban egual á os ríos en tot o suyo recorrido, sino por tramos dependendo d'os lugars por on pasaba. Por d'enzima de Calanda se clamaba río de Cutanda u Cotenda, porque Cutanda yera o nombre d'o distrito (iqlim) de l'aria de Mas de las Matas.

S'escribe sin bocal final ya en 1181:

Los fornos e las justicias que sian al foro de Zaragoza e de los morahales de Guadalof enaca que ajan los senores a medjtate

Encara s'escribiba sin -e final en 1658, cuan dimpués d'una crexita de lo río en fazioron un informe tetulato Acto público de relaçión berdadera de la crezida o habenida del río Guadalop .

Se beiga tamién

• Se veigan as imáchens de Commons sobre o río Guadalop.