Idioma kurdo

O kurdo (kurdî) ye un idioma indoeuropeyo d'a branca irania d'as luengas indo-iranias, como o talesi, o gilani u o baluchi. Ye a luenga d'o Kurdistán, charrata por unas 12 millons de presonas. O feito de no tener estato propio o Kurdistán, fendo parte o suyo territorio de Turquía, Irán, Siria, Azerbaichán e Armenia), aduya á la dibisión d'o idioma en muitos dialeutos y en dos brancas prenzipals.

Autualment a luenga kurda tien carauter ofizial en os territorios d'o norte d'Irak, dende l'aduya prestata por os kurdos á l'Exerzito estatounitense en a imbasión d'Iraq de 2003. Sin d'embargo, no ye permeso emplegar o kurdo en Siria y en Turquía tampoco mesmo l'alfabeto kurdo. Antiparte, a diaspora kurda fa que güé aiga charradors d'a luenga en as prenzipals ziudaz d'os países á on se charra, en as prenzipals ziudaz d'Orient Meyo y en Europa (con un peso important en Alemanya), Estatos Unitos, Canadá y Australia.

Autualment s'escribe con l'alfabeto kurdo, anque no siempre ha estato asinas (tamién s'han emplegato os carauters latinos, zirilicos e arabes). Se conserban decumentos escritos dende o sieglo XII.

O sistema fonolochico ye formato por 9 bocals y 26 consonants.