Seu d'o Salvador de Zaragoza

Plantilla:Ficha de templo A Seu d'o Salvador de Zaragoza u más conoixita simplament con o nombre de Seo ye una d'as dos seus metropolitanas de Zaragoza, chunto con a basilica y seu d'o Pilar.

Construyita en o mesmo puesto á on que d'antis más se trobaba o foro román de Caesaraugusta y más tardi a mezquita mayor de Saraqusta, d'a quala encara s'alza o minaret. O edificio prencipió á construyir-se en o sieglo XII en estilo romanico integrato en a mezquita y ha tenito a-saber-las reformas y enamplacions dica l'anyo 1704 quan se remata la suya torre con un chapitel barroco.

Actualment a Seo ye una ilesia de cinco naus y seis trampos acubillatos por una vuelta de crucería que tien a mesma altaria, lo que fa que a forma d'a ilesia pareixca quadrata. En a cabezera se situgan dos absides (d'os cinco que bi heba orichinalment) y, en o canto d'a epistola, sobre dos d'os desapareixitos, se construyó a sacristia. En o extremo d'o canto d'o evanchelio se fació a «parroquieta» con a sepoltura de Lope de Luna.

A estructura d'as naus se refirma con os contrafuertes caracteristicos d'o gotico tardano (y no con arbotants que ye más habitual en o estilo gotico clasico) que son tancatos con muros formando capiellas interiors.

O material emplegato en a suya construcción ye sobre tot o ladriello, habitual en l'arquitectura aragonesa.