Bruselas

Bruselas (Bruxelles en franzés, Brussel en neerlandés, Brüssel en alemán) ye una ziudat de Belchica, que ye a suya capital; ye tamién a capital d'a rechión de Bruselas-Capital y, á más á más, d'a Unión Europeya y d'a OTAN.

A ziudat de Bruselas tien una superfizie de 32,61 km², una poblazión de 153.659 abitants en 2007 y una densidat de poblazión de 4.712,02 abs/km².

Istoria

A ziudat de Bruselas ya esistiba en o sieglo VII, pero a suya importanzia naxió con os condes de Lobaina, que en fazioron lur capital. Situata en a bal d'o río Senne, afluyent d'o río Escalda, estió un important zentro comerzial, dentrando en o sieglo XIII en a Liga Anseatica.

Estió tamién a capital d'os territorios españols en os Países Baxos y Flandres, y tamién estió a capital d'os territorios de l'Imperio austriaco dimpués d'a Guerra de Suzesión Española. En 1815, dimpués d'o Congreso de Biena, s'encorporó á los neerlandeses, dica l'independenzia de Belchica en 1830, año en que esdebenió a capital d'o nuebo país.

En a Primera Guerra Mundial, a ocuporon as tropas d'o Imperio alemán y en a Segunda Guerra Mundial as tropas d'o Terzer Reich.

Con a creyazión d'a Unión Europeya en a segunda metat d'o sieglo XX, pasó á estar a capital d'ista instituzión.

Enrastres esternos

• Se veigan as imáchens de Commons sobre Bruselas.

• Pachina web monezipal.
• Mapa interactibo de Bruselas.