Diferencia entre revisiones de «Viena»
m r2.7.3) (Bot: Modificando ceb:Vienna por ceb:Viena |
|||
Linia 82: | Linia 82: | ||
[[cs:Vídeň]] |
[[cs:Vídeň]] |
||
[[cv:Вена]] |
[[cv:Вена]] |
||
[[cy: |
[[cy:Fienna]] |
||
[[da:Wien]] |
[[da:Wien]] |
||
[[de:Wien]] |
[[de:Wien]] |
Versión d'o 00:22 6 feb 2013
Plantilla:Infobox Estato Austria
Viena (en alemán Wien; en eslovaco Viedeň; en checo Vídeň; en croata y en serbio Beč; en hongaro Bécs; en esloveno Dunaj) ye una ciudat y estato austriaco. Ye capital d'o país y ye rodiata de tot por o estato d'a Baixa Austria.
A suya población ye d'1.631.082 habitants en una superficie de 414,90 km², con una densidat de población de 3.931 hab/km². Ye asinas a ciudat d'o país con mas habitants. Fa parte d'a Organización d'as Ciudatz d'o Patrimonio d'a Humanidat.
Ye seu de diverses companyías y institucions internacionals, entre atras a OSCE, a OPEP y quantas achencias d'as Nacions Unitas, asinas como l'Achencia Internacional d'a Enerchía Atomica. Cada anyo, l'1 de chinero se i celebra o Concierto d'Anyo Nuevo de Viena.
A ciudat tien una gran historia, ya que ye una d'as capitals mas antigas d'Europa, cosa que explica o suyo important patrimonio artistico. Mientres o sieglo XIX estió una d'as grans capitals musicals d'o mundo y en primerías d'o sieglo XX meca d'a filosofía y o debate politico d'occident, asinas como un d'os prencipals centros culturals mundials. En 2001, o centro d'a ciudat fue designato por a UNESCO Patrimonio d'a Humanitat.[1]
Amás d'estar considerata como a Ciudat d'a Musica,[2] por o suyo rico legato musical, Viena tamién ye conoixita como "A Ciudat d'os Suenios", ya que estió o puesto a on vivió Sigmund Freud,[3] neurologo considerato o pai d'o psicoanalís y a interpretación d'os suenios.
Os orichens d'a ciudat se troban en os primers asentamientos de celtas y romans que se transformoron en una ciudat meyeval y barroca, convertindo-se en a capital d'o Imperio Austro-Hongaro. Ye bien conoixita por interpretar un papel esencial como centro de musica líder en Europa, a partir d'a gran epoca d'o clasicismo vienés a traviés d'a primera parti d'o sieglo XIX. O centro historico de Viena, ye rico en conchuntos arquitectonicos, encluyendo castiellos barrocs y chardins, asinas como a Ringstrasse de zaguerías d'o sieglo XIX plena de grans edificios, monumentos y parques.[4]
Diferents estudeos situgan a ciudat de Viena como una d'as ciudatz con millor calidat de vida d'o mundo: En un estudeo de 2005 en 127 ciudatz d'o mundo, The Economist Intelligence Unit la clasificó en primer puesto (empatata con Vancouver, Canadá) y en a enqüesta de 2011 sobre 140 ciudatz Viena ocupó o segundo puesto, por dezaga de Melbourne).[5][6][7] Mientres tres anyos consecutivos (2009-2011), a consultoría de recursos humans Mercer, la situga en o primer puesto en a suya enqüesta anyal sobre a "calidat de vida" feita en centenars de ciudatz arredol d'o mundo.[8][9][10]
Cada anyo dende 2005, Viena ha estato o destín numero un a ran mundial de congresos y convencions internacionals.[11] A ciudat atraye quasi cinco millons de toristas cada anyo.[12]
Vinclos externos
Referencias
- ↑ (en) Historic Centre of Vienna. UNESCO
- ↑ (en) City of music
- ↑ (en) Decumental d'a BBC: Vienna - The City of Dreams.
- ↑ (en) Unesco World heritage Convention
- ↑ (en) Vancouver is 'best place to live'. 4 d'octubre de 2005. BBC
- ↑ (en) Vancouver drops from spot global livability poll
- ↑ (en) Liveability Ranking Report August 2011. Economist Intelligence Unit
- ↑ (en) Mercer press release: Quality of Living global city rankings. 2009
- ↑ (en) Mercer Quality of LIfe Worldwide City Rankings, 2010. resourceshelf.com
- ↑ (en) Mercer's Survey 2011, 29 de noviembre de 2011, Mercer
- ↑ (en) Vienna is the world’s number one congress destination. wieninternational.at 1 de chunio de 2011
- ↑ (en) Tourism Statistics - Arrivals in Vienna by countries of origin. wien.gv.at
Estaus d'Austria | ||
---|---|---|
Alta Austria • Baixa Austria • Burgenland • Carintia • Estiria • Salzburgo • Tirol • Viena • Vorarlberg |
Plantilla:Destacato Plantilla:Destacato Plantilla:Destacato Plantilla:Destacato