Viernes Santo

A "Cristo de San Plácido" por Diego Velázquez

O Viernes Santo ye o seiseno día d'a Semana Santa cristiana. Ye zaguer viernes antis d'o Domingo de Resurrección. Iste día se remera a muerte de Chesús.

Liturchia de Viernes Santo

En a liturchia catolica, y seguindo una antiquísma tradición, en iste día no se celebra a Eucaristía, sino se venera a Santa Cruz. O Viernes Santo ye, chunto a o Sabado Santo, os unicos días d'o calandario liturchico catolico en que no bi ha misa, y se fa como sinyal de luto por a muerte de Chesús.

En os oficios d'o día se remera solemnement a Pasión de Cristo. Se leye o relato d'a Pasión seguntes Sant Chuan. Dimpués se fan as peticions y ta rematar se da a Comunión a totz os fiels.

En muitos lugars se celebra o Viernes Santo con o rezo d'o Vía crucis, a on a traviés de catorce estacions se remeran os trangos de Chesús enta a suya muerte.

Celebracions en Aragón

En Calanda se celebra a "Rompida de la Hora", declarata Fiesta d'Intrés Toristico Nacional, a las 12 d'o meyodía d'o Viernes Santo, a on participan mils de personas, tambors y bombos, que creban o silencio con o estrandalo d'istos instrumentos.

En Zaragoza se fa a "procesión d'o Santo Entierro", organizata dende probablement 1622 por a Sangre de Cristo y d'a que fan parti todas as cofadrías d'a ciudat,en o que ye a mayor concentración de tambors y bombos d'Espanya.