Escudo d'o Consello Rechional de Defensa d'Aragón

O escudo d'o Consello Rechional de Defensa d'Aragón yera o escudo oficial d'o Consello Rechional de Defensa d'Aragón

O escudo, que apareixe tamién en a bandera d'o Consello Rechional de Defensa d'Aragón, fue descrito por primera vegada en o numero tres d'o periodico «Nuevo Aragón» o día 23 de chinero de 1937^[1] se divide en cuatre cuartels, trestallatos por una A mayúscla gran:

En o primer cuartel apareixen uns monts de color blanca, representando a o Pireneu y a l'Alto Aragón.
En o segundo se veye una olivera dencima d'un tozal, representando a o Baixo Aragón.
En o tercero se puet veyer un puent sobre o río Ebro en representación d'a provincia de Zaragoza.
O zaguero y cuatreno cuartel, en o centro d'a letra "A", ye de color roya y bi ha una cadera crebata que representa a "a liberación que suposa o gubierno d'o Consello d'Aragón ta un nuevo Aragón que renaixe".

O escudo ye coronato por un sol resplandecient, ta enfatizar o renacimiento d'o país.

Referencias