Pandemia de COVID-19

De Biquipedia
(Reendrezato dende Epidemia de COVID-19)
Ir a la navegación Ir a la búsqueda
Pandemia de COVID-19

A pandemia de COVID-19 (tamién conoixida freqüentment como pandemia de Coronavirus) ye una pandemia causada per o virus SARS-CoV-2 que prencipió l'1 d'aviento de 2019 en a ciudat de Wuhan (China).

Historia[editar | editar código]

O 13 de chinero de 2020 se detectó en Tailandia lo primer caso difuera de China.

O 23 de chinero de 2020 se detectó en os Estatos Unitos o primer caso difuera d'Asia.

O 7 de marzo de 2020 s'amanaron os 100.000 infezionaus en totz.

A Organización Mundial d'a Salut (OMS) declaró l'11 de marzo de 2020 que l'epidemia se consideraba una pandemia a causa de l'alta cantidat de personas infezionadas (alavez 118.000) y muertes (4.291) que heba causau arredol d'o mundo (114 países).

Lo 13 de marzo, l'OMS declaró que Europa yera lo nuevo centro d'a pandemia dimpués que la tasa de nuevos casos en Europa superase los rechistraus en atras rechions d'o mundo, antiparte de China. Pa lo 16 de marzo de 2020, lo numero total de casos notificaus en totz difuera de China i heba brincau de lo de China continental. Lo 19 de marzo de 2020, China no informó nuevos casos nacionals (excluyius los casos reimportaus de l'extranchero) per primera vegada dende lo chito, mientres que lo numero total de muertes en Italia superó a lo de China.

Dica lo 22 de marzo de 2020, mas de 337.000 casos han estau reportaus en totz; mas de 14.400 personas han muerto; y mas de 96.000 s'han recuperau.

Prencipals países afectaus[editar | editar código]

Asia[editar | editar código]

China[editar | editar código]

A pandemia se manifestó per primera vegada en un grupo de casos misteriosos y sospitosos de pneumonía en Wuhan, a capital d'a provincia de Hubei, China. Un hespital de Wuhan notificó a lo centro local pa lo control y la prevención de malotías (Center for disease control u CDC) y las comisions de salut lo 27 d'aviento de 2019. Lo 31 d'aviento, los CDC de Wuhan admitioron que i heba un grupo de casos de pneumonía desconoixius relacionaus con o Mercau mayorista de pescau de Huanan (en anglés Huanan Seafood Wholesale Market, en chinés 武汉华南海鲜批发市场) dimpués que amaneixioron bells documentos no verificaus en Internet. O chito de malotía potencial luego atrayió l'atención nacional, incluyida la d'a Comisión Nacional de Salut (National Health Commission (NHC)) en Pekín, que ninvió expertos a Wuhan a l'atro'l día. Lo 8 de chinero, s'identificó un nuevo coronavirus como la causa d'a pneumonía.

As respuestas tardanas y con contraversia d'as autoridatz de Wuhan y Hubei no aconsiguioron contener lo chito en a etapa inicial, lo que cheneró criticas per parte d'o publico y los meyos de comunicación. Pa lo 29 de chinero, o virus s'extendió a totas las provincias de China continental. Pa lo 8 de febrero, mas de 724 murioron per pneumonía asociada a la infección per coronavirus. Nomás en Hubei, i habió 24,953 casos d'infeccions y 699 muertes relacionadas.

O secretario cheneral d'o partiu comunista chino, Xi Jinping, advirtió sobre una "grieu situación" que enfrontina China. As celebracions de l'anyo nuevo chino estioron canceladas. S'han suspendiu muitos servicios d'autobuses interprovincials y ferroviarios. Pa lo 29 de chinero, totas as ciudatz de Hubei estioron meteban en quarentena. S'implementoron leis sobre la corrupción en Huanggang, Wenzhou y atras ciudatz continentals.

Lo 25 de febrero, lo numero de casos recientment confirmaus difuera de China continental superó los d'adintro per primera vegada. Pa lo 6 de marzo, lo numero reportau de nuevos casos s'heba reduciu a menos de 100 a libel nacional per día, en comparanza con os mils per día en o punto alchido d'a crisi. Lo 13 de marzo, lo numero de casos recientment importaus superó per primera vegada lo numero de casos nuevos transmitius a libel nacional.

Corea d'o Sud[editar | editar código]

O primer caso confirmau d'a pandemia en Corea d'o Sud s'anunció lo 20 de chinero de 2020.

A partir d'o 18 de marzo de 2020, Corea d'o Sud tiene arredol de 8.400 casos y 84 muertes; antimás mas de 200,000 personas que s'han sozmetiu a prebas. En Corea d'o Sud a pandemia de COVID-19 tién una tasa de mortalera d'1.0%.

Irán[editar | editar código]

Irán informó los suyos primers casos confirmaus d'infeccions per SARS-CoV-2 lo 19 de febrero de 2020 en Qom. Dica lo 17 de marzo de 2020, seguntes las autoridatz sanitarias iranians, s'heban produciu 988 muertes con mas de 16,000 infeccions confirmadas. A la mesma calendata, Irán tiene lo tercer numero mas alto de muertes per COVID-19 dimpués de China y Italia. Qualques fuents no gubernamentals iranians estiman que lo numero d'infeccions y muertes son muito mas altas que las valors oficials.

Europa[editar | editar código]

Alemanya[editar | editar código]

O primer caso se va a detectar o 27 de chinero en o districto de Starnberg en Bavera. As primeras muertes, una muller de 89 anyos en Essen y un hombre de 78 anyos en Heinsberg, estioron reportaus o 9 de marzo.

A partir d'o 19 de marzo de 2020, Alemanya ha reportau 13,083 casos y 31 muertes, con una tasa de mortalera de bells 0.2%.

Espanya[editar | editar código]

Se confirmó que la pandemia de COVID-19 s'extendió a Espanya lo 31 de chinero de 2020, quan un turista alemán dio positivo per SARS-CoV-2 en La Gomera.

O 13 de febrero en Valencia murió la primera persona per ista malotía, un hombre de 69 anyos que heba realizau un viache en febrero a Nepal.

O 24 de febrero, dimpués d'una epidemia de COVID-19 en Italia, Espanya confirmó multiples casos relacionaus con os grupos italians, procedents d'un medico de Lombardía, Italia, que yera de vacancias en Tenerife. Posteriorment, se detectoron multiples casos de COVID-19 en Tenerife que embrecaban a personas que heban dentrau en contacto con o medico. Atros casos de personas que visitoron Italia tamién se descubrioron en Espanya continental.

O 4 de marzo se detectaba lo primer caso d'a pandemia de COVID-19 en Aragón.

O 14 de marzo, o Gubierno d'Espanya decretó la dentrada en vigor d'o estau d'alarma en tot lo territorio nacional entre quince diyas.

Dica lo 19 de marzo de 2020, s'heban rechistrau 17.147 casos confirmaus con 1.107 recuperacions y 767 muertes.

O 22 de marzo, lo president Pedro Sánchez, comunicó la suya intención de solicitar autorización a lo Congreso d'os Deputaus pa prolargar atros quince días lo estau d'alarma

Francia[editar | editar código]

Se confirmó que la pandemia s'extendió a Francia lo 24 de chinero de 2020, quan se confirmó lo primer caso COVID-19 en Europa y Francia en Burdeos. Embrecó a un ciudadano francés de 48 anyos que plegó a Francia dende China. Dos casos mas estioron confirmaus a la fin d'o día; Totz os individuos tornoron recientment de China.

Un turista chino ingresó en un hespital en París o 28 de chinero y murió lo 14 de febrero, marcando la primera muerte per COVID-19 en Europa y Francia. Tamién estió la primera muerte difuera d'Asia.

Dica lo 18 de marzo de 2020, i hai habiu 9.134 casos confirmaus, 262 muertes y a lo menos 602 recuperacions en Francia.

O 16 de marzo, o president Macron anunció un zarre nacional entre 15 días a partir d'o 17 de marzo a lo meyodía.

Italia[editar | editar código]

Os primers casos en Italia se confirmoron o 31 de chinero de 2020, quan dos turistas chinos en Roma dioron positivo per malotía per causada per lo SARS-CoV-2. Una semana dimpués, un hombre italián repatriau de torno a Italia dende la ciudat de Wuhan, China, confirmau como lo tercer caso en Italia. As primeras muertes ocurrioron o 22 de febrero. A primers de marzo, lo virus s'heba extendiu a totas as rechions d'Italia.

O 31 de chinero, lo gubierno italián suspendió totz los vuelos enta y dende China y declaró lo estau d'emerchencia. En febrero, once municipios d'o norte d'Italia estioron identificaus como los centros d'os dos prencipals grupos italians y los metió en quarentena. O 8 de marzo de 2020, lo Primer Ministro Giuseppe Conte expandió la quarentena a tota Lombardía y atras 14 provincias d'o norte, y a l'atro'l día a tota Italia, colocando a mas de 60 millons de personas en quarentena.

A partir d'o 18 de marzo de 2020, Italia ye lo centro mundial de casos activos con 28,710 casos activos, mas d'o dople d'o numero de casos activos de qualsequier atro país, y superando los de China y Irán combinaus. O total de casos confirmaus ye de 35,713, con 2,978 muertes y 4,025 recuperacions, deixando 28,710 casos activos en Italia.

America[editar | editar código]

Estatos Unitos[editar | editar código]

O primer caso conoixiu en os Estatos Unitos d'a malotía per COVID-19 se confirmó lo 20 de chinero de 2020, en un hombre de 35 anyos que heba tornau de Wuhan, China, lo 15 de chinero. A Coronavirus Task Force d'a Casa Blanca s'establió lo 29 de chinero. Dos días dimpués, l'administración d'o president Donald Trump declaró una emerchencia de salut publica y anunció restriccions a los viachers que plegan dende China. O president Trump declaró la pandemia como emerchencia nacional o 13 de marzo.

Impauto[editar | editar código]

  • Impauto socioeconomico.
  • Suspensión masiva d'eventos.
  • Impauto en o funcionamiento d'internet.
  • Quarentena, toque de queda y isolamiento.
  • Sinofobia.
  • En a relichión.
  • En o cinema.
  • Impauto meyoambiental.

Se veiga tamién[editar | editar código]