Reciclache
O reciclache ye un proceso que tien como obchectivo convertir desechos en nuevos productos ta aprevenir o desuso de materials potencialment utils, reducir o consumo de nueva materia prima, reducir l'uso d'enerchía, reducir a contaminación de l'aire y de l'augua por meyo d'a reducción d'a necesidat d'os sistemas de desechos convencionals, asinas como tamién disminuir as emisions de gases d'efecto hibernadero en comparanza con a producción de plasticos.
O reciclache s'inscribe en a estratechia de tractamiento de residuos d'as tres erres:
- Reducir: accions ta reducir a producción d'obchectos susceptibles de convertir-se en residuos.
- Reutilizar u esviellar: accions que permiten de tornar a usar un determinau producto ta dar-le una segunda vida, con o mesmo uso u unatro diferent.
- Reciclar: o conchunto d'operacions de replega y tractamiento de residuos que permiten reintroducir-los en un ciclo de vida.