Entibo d'as Tres Foces

De Biquipedia
Translate icon.svg Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.
Articlo d'os 1000
Entibo d'as Tres Foces
Sānxiá Dàbà
Dreischluchtendamm hauptwall 2006.jpg
Administración
País Flag of the People's Republic of China.svg China
Estau
Provincia Hubei
Comarca
Municipio
Cheografía
Tipo
Orichen
Superficie 630 km²
Superficie ha
Altaria 185 m
Longaria km
Amplaria km
Fondura 150 m
Volumen 39.300 hm³
Hidrografía
Fuent río Yangtsé
Desagüe río Yangtsé
Desagües
Mapa
Tres gargantas china.jpg

L'entibo d'as Tres Foces ye un entibo con a suya correspondient entibadera situato en a val d'o río Yangtsé, chunto a la ciudat de Sandouping, en o distrito de Yiling, en China.

Iste entibo ye o prochecto hidroelectrico mas gran d'o mundo y ha estau muit criticato por o impacto ecolochico y social que ye causando, ya que ha obligato a albandonar a suya casa a mas d'un millón de personas y mas de mil lugars serán cubiertos por as auguas entre os que bi ha restos arqueolochicos d'a prehistoria (paleolitico y neolitico) y d'a dinastía Ming y Qing.

A entibadera ye una barrera de formigón de 2,5 kilometros de largaria por 185 metros d'altaria que ha transformato radicalment a situación: d'un puesto a on no bi heba cosa ha naixito un entibo de 600 kilometros de largaria y 150 metros de fondaria. S'aspera que, a partir de l'anyo 2009, chenere 18.200 MW de potencia, l'11% d'as necesidatz enercheticas d'o país.

Caracteristicas[editar | modificar o codigo]

A entibadera se troba chunto a la ciudat de Yichang, en a provincia de Hubei. O futuro entibo levará o nombre de Sandouping, y tendrá unas reservas d'augua de 39.000 millons de m³.   Contará con 26 turbinas de 700.000 kW cadaguna, equivalents a una potencia de 18,2 gigawats (GW), chenerando en conchunto una enerchía electrica d'uns 84.000 millons de kWh a l'anyo.

A entibadera tamién tien como obchectivo amillorar as condicions d'o curso meyo y inferior d'o río, permitindo controlar as creixitas y amillorar a navegación fluvial.

A obra, deixará baixo o ran d'as auguas un total de 12 ciudatz y 326 lugars, una superficie de 630 km² de territorio chinés, afectando -tal como s'ha dito- a un total de 1.200.000 personas.

Vinclos externos[editar | modificar o codigo]