Río Elba

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Elba Elbe - Labe
O río Elba en Hamburgo.
Administración
Estaus	Republica Checa Alemanya
Territorios
Cheografía
Longaria	1.091 km
Altaria d'o naixedero	1.386 m
Naixedero	Krkonoše (Republica Checa)
Desembocadura	Mar d'o Norte
Hidrolochía
Superficie d'a cuenca	148.268 km²
Cabal meyano	711 m³/s
Mapa
A cuenca hidrolochica d'o río Elba.

O río Elba (Elbe en alemán, Labe en checo), ye un río d'Europa, que tien o suyo naixedero en Krkonoše (Republica Checa), a 1.386 metros d'altaria sobre o livel d'a mar en os monts Sudetes, dende on marcha enta o norueste en trescruzando Alemanya dica desauguar en a mar d'o Norte (Oceano Atlantico) dimpués de recorrer 1.091 km, desauguando una cuenca hidrolochica d'una superficie de 148.268 km², con un cabal meyano de 711 m³/s.

Mientres o suyo recorrito, trescruza importants ciudaz, como Ústí nad Labem en a Republica Checa u Dresden, Meissen, Wittenberg, Dessau, Magdeburgo, Hamburgo y Cuxhaven en Alemanya. Os suyos prencipals afluents son o río Vltava, o río Ohře, o río Mulde, o río Saale, o río Ohre, o río Ilmenau, o río Luhe, o río Oste, o río Jizera, o río Schwarze Elster, o río Havel, o río Elde, o río Bille y o río Alster.

Hidronimia

A primera mención conoixita ye en latín como Albis, a palabra Elbe significa "río" u "leito d'o río" y ye una variant d'a palabra albiz que se troba en tot o chermanico; cf. o hidronimo norrén antigo Elfr, o sueco älv "río", o hidronimo anglés antigo Ielf, y o hidronimo baixo alemán elve "leito de río".

En a "Cronica de los Conquiridors" parlan d'un río Alvia:

Et ap(re)s el Emp(er)ador ensemble con su fillo el Rey Karles et co(n) Roldan p(r)incep dela Caualleria et con todo el otro ex(er)citu deuasto toda la Saxonia que es entre Guisara et el Rio Albia fin ala mar occeana et subiugo los normandos qui corseauan la mar

Vinclos externos

• Datos: Q1644
• Multimedia: Elbe / Q1644