Rapsusklei

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Rapsusklei
Zaragoza Ciudad 2010 (Lex Luthorz dezaga)
Información personal
Nombre	Diego Gil Fernández
Embotada	Rapsusklei Niño de la selva El Puto Sark Sarkete
Naixió	18 de marzo de 1980 de Zaragoza, Aragón
Murió
Información musical
Orichen	{{{Orichen}}}
Estilo	Rap, Hip-Hop, Reggae, Dancehall
Ocupancia	Mc
Instrumentos	voz
Tiempo	1990 - actualidat
Discograficas	Neptuno es-tu-dios, Muffin Records
Relacionau con	Hazhe, Fuck tha posse, Tr3s Monos, Karty er Nene, Sharif, Aniki
Pachina web	http://www.rapsusklei.org

Rapsusklei ye o nombre artistico de Diego Gil Fernández, conoixiu tamién por as embotadas de El niño de la Selva, Sarkete u Puto Sark. Naixiu de Zaragoza (Aragón) o 18 de marzo de 1980 ye un artista Hip hop (MC) que reside en o barrio d'a Madalena, ha gravau 27 maquetas y 4 discos mientres a suya trachectoria musical.

Biografía

Orichen underground

A historia d'iste MC prencipia en as carreras d'o barrio d'a Magdalena de Zaragoza. En 1990, con soque 10 anyadas, Rapsusklei prencipiaba a fer as suyas primeras cancions de rap influyenciau por as collas sinyaleras d'o rap americano d'allora: (Public Enemy, Ice Cube, Cypress Hill, etc.). Ta par d'alavez o suyo nombre artistico yera Puto Sark.

Editó en 1995 a suya primer maqueta Estado de locura que se gravó y produció por Nacho C en Rimas Silenciosas (estudios de Hardcore Street). Estado de locura s'espardió a ran estatal y agora ye una pieza rariza.

Cuan o hip-hop prencipiaba a plegar en as masas, Rapsusklei sin haber editau encara garra LP, ya actuaba de barra a barra de l'estau con o nombre de El corazón de la rima.

De vez feba parti d'atro prochecto con atros MC de Zaragoza, o grupo Fuck tha posse, bien conoixius en a escena hip hop underground, mas que mas en a suya ciudat, habendo gravau soque una maqueta.

Primers discos con Hazhe y consolidación

O suyo primer disco fue gravau en 2002 chunto con Hazhe (DJ y productor Zaragozano que tamién lo acompanyará en as suyas actuacions, y a o cual conoixió en 1998 tot gravando un LP). O disco fue clamau Rapsusklei & Hazhe La historia mas real de vuestras vidas.

O suyo segundo LP Elipsis, igual como l'anterior, estió un treballo de conchunta entre Hazhe y Rapsusklei.

Dimpués de l'exito replegau con istos dos discos, en editan o tercero y zaguero, Hijos de puta para todo.

Rapsusklei solenco

En 2008 se fa oficial que Rapsusklei y Hazhe deixan de treballar chuntos, por o que o MC zaragozano contina a suya carrera solenco, siempre refirmau por Fuck tha Posse y mas grupos d'a escena underground zaragozana.

En 2010 publica Pandemia, o suyo primer treballo solenco.

Escenarios

Rapsusklei ha actuau de barra a barra de l'estau, amás de fer-lo a ran internacional en Nueva York, Mexico D.F, Monterrey, Suiza, Marsiella, Tolosa, Venezuela, Guatemala, El Salvador, Guinea, Casablanca (Marruecos), Senegal, Mauritania y asinas-asinas. Tamién ha participau con grupos como Passi, Stomy bugsy y Les sales gosses en un directo de conchunta de grupos zaragozanos y de París.

Mientres a suya carrera ha compartiu escenario con cuasi toz os grupos sinyalers d'o hip hop americano y francés, como Busta Rhymes, Wu Tang Clan, The Game ,Das EFX, PMD, Guru, M.O.P., Public Enemy, Big Daddy Kane, X-zibit, De la soul, Common, Afura, The Beat Nuts, Black Moon, D.I.T.C, Lords of the Underground, Masta Ace, Big shug, Pharaone Monch,DJ Premier, DJ Q-Bert, Rob Swift, DJ Jazzy Jeff, Kool Herc, Saian Supa Crew, Sefyu, La Rumeur, Chiens de paille, La Brigade; tamién con grupos chamaicanos como Sizzla, Anthony B, M.R Vegas, Burro Banton, Abyssinians u Jah Cure en os millors festivals estatals.^[1]