Doutzen Kroes

De Biquipedia
Ir a la navegación Ir a la búsqueda
Doutzen Kroes
A modelo Doutzen Kroes.
A modelo Doutzen Kroes.
Información personal
Naixita o: 23 de chinero de 1985
Naixita de: Frisian flag.svg Eastermar, Frisia, Países Baixos
Ocupación: Modelo

Doutzen Kroes (naixita o 23 de chinero de 1985 d'Eastermar, Frisia) ye una supermodelo neerlandesa. En l'actualidat fa parti d'os "Ánchels de Victoria's Secret".

Os primers anyos[editar | editar código]

Kroes ye naixita d'Eastermar, Provincia de Frisia, en os Países Baixos. Dimpués de graduar-se en a educación secundaria obligatoria (en neerlandés HAVO) ninvió fotografías a l'achencia de modelos Paparazzi en Amsterdam.

Carrera como modelo[editar | editar código]

Kroes ha estato portalada d'as revistas Time, Vogue, Harper's Bazaar y Numéro. tamién apareixe a sobén en os catalogos de Victoria's Secret, asinas como en as pasarelas d'ista marca en 2005, 2006 y 2008. Entre as campanyas publicitarias en las que ha participato Kroes se troban: Gucci, Tommy Hilfiger, Valentino y Versace. En agosto de 2005 estió a imachen d'Eternity de Calvin Klein, en abril de 2006 sinyó un contrato de 3 anyos con L'Oréal, apareixendo actualment en os anuncios d'ista companyía chunto con Eva Longoria y Kerry Washington.

En l'anyo 2005 fue esleita como modelo de l'anyo en Vogue.com, salindo en a portalada de mayo de 2007 chunto con Hilary Rodha, Caroline Trentini, Raquel Zimmermann, Sasha Pivovarova, Agyness Deyn, Coco Rocha, Jessica Stam, Chanel Iman y Lily Donaldson, totas ellas fuoron esleitas por a revista como lo nuevo grupo de supermodelos.[1] Kroes apareixió en o Calendario Pirelli de 2008 con belunas d'istas mesachas.

En agosto de 2008 Kroes fue presentata oficialment como "Ánchel de Victoria's Secret" en una campanya publicitaria chunto con Adriana Lima. En noviembre de 2009 debido a un incumplimiento en o contrato con Victoria's Secret por escuidar a suya imachen (extraoficialment por blincar d'o endice de masa corporal minimo establito en 20 Kg/m², tenendo ella 21,78) deciden de mutuo alcuerdo seguir un proceso dietetico.

En chulio de 2007, con unas ganancias totals estimatas de bells 4,9 millons de dólars en os dotze meses anteriors, a revista Forbes clasificó a Kroes en o puesto 14 en a lista d'as 15 supermodelos con mayor cantidat d'ingresos.[2] En abril de 2008, heba puyato a la cinquena posición, con unos ingresos estimatos de bells 6 millons de dólars.[3] En mayo de 2009 Forbes clasificó a Kroes atra vegata en o zinqueno puesto d'as 15 supermodelos millor pagatas.[4]

D'atra man, Kroes fa parti tamién d'a campanya d'a provincia de Frisia refirmando lo idioma frisón, que ye a suya luenga materna.[5]

Vinclos externos[editar | editar código]

Commons-logo.svg
Se veigan as imáchens de Commons sobre Doutzen Kroes.

Referencias[editar | editar código]