Donetsk
| Donetsk Донецьк | |||
| Localidat d'Ucraína | |||
| |||
 Una carrera de Donetsk | |||
| Estau • Oblast |
 UcraínaOblast de Donetsk | ||
| Superficie | 358 km² | ||
| Población • Total |
929063 hab. (2016) | ||
| Altaria • Meyana |
169 m. | ||
| Alcalde | Alexey Kulemzin | ||
| Codigo postal | 83000–83497, 283000–283497 | ||
| Coordenadas | |||
| Web oficial | |||
.svg)
Donetsk (en ucrainés Донецьк, en ruso Донецк) ye una ciudat d'Ucraína, capital de l'Oblast de Donetsk. A suya población ye de 929.063 habitants mayoritariament d'etnia rusa y ye a capital d'o estato autoproclamato independent clamau Republica Popular de Donetsk. En 2001 yera la cinquena ciudat mas poblada d'Ucraína.[1]
Clima[editar | modificar o codigo]
Lo clima ye d'o tipo continental. As temperaturas meyas son de -4,1 °C de chinero y de 21,6 °C de chulio. Lo promeyo de precipitacions per anyo ye de 162 días y dica 556 milimetros per anyo.
Historia[editar | modificar o codigo]
A ciudat estió fundada en 1869 por un interpresario d'o país de Galas, John Hughes, qui construyó en ixa redolada una planta d'acero y quantas menas de carbón. A ciudat estió baltizada con o nombre de Юзовка (Yúzivka, en aragonés ciudat d'Hughes), en reconoixencia a o suyo paper en a suya fundación. Entre a epoca sovietica, a industria siderurchica d'a ciudat s'expandió y dentre 1924 y 1961 estió clamada Сталино (Stalino) en a honor de Josef Stalin. A causa d'a invasión alemana entre a Segunda Guerra Mundial, a ciudat estió quasi destruida en a suya totalidat. En o marco d'as rechiradas en Ucraína y a secesión de Crimea y a suya posterior adhesión a Rusia, un grupo de manifestants prorrusos prenió l'edificio d'o gubierno local o 7 d'abril de 2014 y proclamoron a Republica Popular de Donetsk.
Economía[editar | modificar o codigo]
Donetsk y os territorios circumdants son fuertement urbanizaus. A man d'obra ye muit embrecada en a industria pesada, especialment en a menería d'o carbón. A ciudat ye un important centro d'industria pesada y menas de carbón en a cuenca d'o Donets (Donbas). Dreitament debaixo d'a ciudat se troban as menas de carbón, que dinantes han visto un aumento en os accidents meners, estando l'accident mas recient en a mena Zasyadko, que mató a mas de 100 treballadors.
Dimpués d'a caita d'a Unión Sovietica, Donetsk y atras ciudatz vecinas d'o Donbas sufrioron muito, ya que se zarroron muitas fabricas y muitos habitants perdioron os suyos treballos.